ທ່ານປະທານປະເທດຫວຽດນາມ ເຈືອງເຕີ້ນຊາງ ເຂົ້າຮ່ວມພິທີໄຫວ້ບູຊາບັນດາເຈົ້າຊີວິດຮຸ່ງ
|
(vovworld)- ຕອນເຊົ້າວັນທີ 28/4 ກົງກັບວັນທີ 10/3 ໄລຕາມຈັນທະປະຕິທິນ ຢູ່ວິຫານຮຸ່ງ ໃນແຂວງ ຟູ້ເຖາະ, ໄດ້ຈັດພິທີໄຫວ້ບູຊາບັນດາເຈົ້າຊີວິດຮຸ່ງຢ່າງສົມກຽດ ແນໃສ່ອາໄລຫາ, ສະແດງຄວາມຮູ້ບຸນຄຸນຕໍ່ບັນພະບຸລຸດ ຊຶ່ງໄດ້ມີຄຸນງາມຄວາມດີໃນການກໍ່ຕັ້ງລັດ ວັນລາງ ຊຶ່ງແມ່ນລັດທຳອິດໃນປະຫວັດສາດຂອງຊາດຫວຽດນາມ. ທ່ານປະທານປະເທດຫວຽດນາມ ເຈືອງເຕີ້ນຊາງ, ບັນດາການນຳພັກ, ລັດ, ຜູ້ຕາງໜ້າບັນດາກະຊວງ, ຂະແໜງການຂັ້ນສູນກາງ ແລະ ບັນດາແຂວງ, ນະຄອນ ພ້ອມກັບຊາວຫວຽດນາມອາໄສຢູ່ຕ່າງປະເທດ, ປະຊາຊົນບັນດາເຜົ່າຢູ່ທຸກແຖບຖິ່ນໃນທົ່ວປະເທດໄດ້ເຂົ້າຮ່ວມ. ແບ່ງປັນກ່ຽວກັບຄວາມໃນໃຈຂອງຕົນກ່ຽວກັບພິທີໄຫວ້ບູຊາບັນດາເຈົ້າຊີວິດຮຸ່ງ, ປ້າຫງວຽນທິລວານ ຢູ່ແຂວງ ຮ່ວາບິງ ໃຫ້ຮູ້ວ່າ :
“ ປີໃດກໍເຊັ່ນດຽວກັນ, ຂ້າພະເຈົ້າກໍໄດ້ໄປວິຫານຮຸ່ງ-ດິນແດນແຫ່ງບັນພະບຸລຸດ. ບໍ່ສະເພາະແຕ່ຊາວຫວຽດນາມເທົ່ານັ້ນ, ຫາກຍັງມີຊາວຕ່າງປະເທດກໍຢາກໄປວິຫານຮຸ່ງອີກດ້ວຍ. ເມື່ອມາຮອດ ດິນແດນແຫ່ງບັນພະບຸລຸດ, ຂ້າພະເຈົ້າມີຄວາມເອກອ້າງທະນົງໃຈເພາະແມ່ນຊາວຫວຽດນາມທີ່ມີມູນເຊື້ອປະຫວັດສາດ 4 ພັນປີ. ເມື່ອມາຮອດແຫ່ງນີ້, ໄດ້ເຂົ້າຮ່ວມພິທີໄຫວ້ບູຊາເຈົ້າຊີວິດຮຸ່ງ, ຂ້າພະເຈົ້າຕຶ້ນຕັນໃຈຫຼາຍ ແລະ ພາວະນາໃຫ້ປະເທດຊາດມີຄວາມສະຫງົບສຸກ ”