( vovworld ) - ຕອນເຊົ້າວັນທີ 1/7, ຢູ່ເມືອງ ນາມແຊກ, ແຂວງຫາຍເຢືອງ, ກະຊວງສາທາລະນະສຸກຫວຽດນາມໄດ້ຈັດຕັ້ງພິທີປຸກລະດົມຂະບວນການຮັກສາອະນາໄມຮັກຊາດ ຍົກສູງສຸຂະພາບຂອງປະຊາຊົນ. ກ່າວຄຳເຫັນພິທີປຸກລະດົມຂະບວນການ “ ຮັກສາອະນາໄມຮັກຊາດຍົກສູງສຸຂະພາບປະຊາຊົນ ”, ທ່ານປະທານປະເທດຫວຽດນາມ Truong Tan Sang ໄດ້ເນັ້ນໜັກວ່າ, ພິທີປຸກລະດົມແມ່ນມີຄວາມໝາຍສຳຄັນຍິ່ງ ເພື່ອແນໃສ່ປະຕິບັດຕາມຄຳສັ່ງສອນຂອງລຸງໂຮ່ ກ່ຽວກັບຂະບວນການການຮັກສາອະນາໄມຮັກຊາດ, ພ້ອມກັນນັ້ນກໍ່ຕິດພັນກັບບັ້ນຣໍາຮຽນ ແລະ ເຮັດຕາມແບບຢ່າງຄຸນສົມບັດຂອງປະທານໂຮ່ຈິມິນ. ທ່ານປະທານປະເທດ Truong Tan Sang ເນັ້ນໜັກວ່າ.
“ ຂ້າພະເຈົ້າຮຽກຮ້ອງໃຫ້ອຳນາດການປົກຄອງ, ແນວໂຮມປະເທດຊາດທຸກຂັ້ນ, ບັນດາອົງການການເມືອງສັງຄົມ… ແຕ່ລະວົງຄະນະຍາດ, ປະຊາຊົນ, ດ້ວຍບັນດາວຽກງານແທດຈິງ, ປ່ຽນໃໝ່ຄວາມຮັບຮູ້, ເປັນເຈົ້າການ ຕັ້ງໜ້າເຂົ້າຮ່ວມຂະບວນການ, ນຳວຽກງານຮັກສາອະນາໄມກາຍເປັນວຽກງານປະຈຳໃນທຸກເວລາ ແລະ ຢູ່ທຸກແຫ່ງ, ຮັບປະກັນສິ່ງແວດລ້ອມມີຄວາມສະອາດເພື່ອສຸຂະພາບຂອງຊາດຫວຽດນາມ ”.
ກ່າວສຸນທອນພົດທີ່ພິທີ, ທ່ານນາງລັດຖະມົນຕີກະຊວງສາທາລະນະສຸກຫວຽດນາມ Nguyen Thi Kim Tien ໄດ້ເນັ້ນໜັກວ່າ. ພິທີປຸກລະດົມຂະບວນການຮັກສາອະນາໄມຮັກຊາດ ຍົກສູງສຸຂະພາບຂອງປະຊາຊົນ ເພື່ອແນໃສ່ປຸກລະດົມປະຊາຊົນທົ່ວປະເທດຕອບສະໜອງຄຳຮຽກຮ້ອງກ່ຽວກັບການຮັກສາອະນາໄມຮັກຊາດ ຂອງປະທານໂຮ່ຈິມິນ ຊຶ່ງໄດ້ລົງພິມໃນໜັງສື່ພິມ Nhan Dan ( ແປ່ວ່າ ປະຊາຊົນ ) ເມື່ອວັນທີ 2/7/1958, ຮຽກຮ້ອງໃຫ້ທົ່ວປວງຊົນຈົ່ງເຂົ້າຮວ່ມບັນດາການເຄື່ອນໄຫວກ່ຽວກັບການຮັກສາອະນາໄມປ້ອງກັນພະຍາດຢ່າງຕັ້ງໜ້າ. ໂດຍປະຕິບັດຕາມຄຳສັ່ງສອນຂອງປະທານໂຮ່ຈິມິນ, ກະຊວງສາທາລະນະສຸກໄດ້ຊີ້ນຳ, ນຳພາຜັນຂະຫຍາຍການປະຕິບັດ ແລະ ໄດ້ຫັນບັນດາການກະທຳເປັນລະອຽດ, ແທດຈິງ, ແລະ ແທດເໝາະກັບແຕ່ລະໄລຍະ.