ປະທານປະເທດເຂົ້າຮ່ວມພິທີສະເຫຼີມສະຫຼອງ35ປີແຫ່ງວັນສ້າງຕັ້ງກົມໃຫຍ່ການເມືອງຕຳຫລວດປະຊາຊົນ
ທ່ານ ເຈີ່ນດ້າຍກວາງ ໄດ້ເຂົ້າຮ່ວມພິທີສະເຫຼີມສະຫຼອງ 35 ປີ
ແຫ່ງວັນສ້າງຕັ້ງກົມໃຫຍ່ການເມືອງກະຊວງຕຳຫລວດ
(vovworld) - ວັນທີ 17/06 ຢູ່ຮ່າໂນ້ຍ ທ່ານປະທານປະເທດ ຫວຽດນາມ ເຈີ່ນດ້າຍກວາງ ໄດ້ເຂົ້າຮ່ວມພິທີສະເຫຼີມສະຫຼອງ 35 ປີແຫ່ງວັນສ້າງຕັ້ງກົມໃຫຍ່ການເມືອງກະຊວງຕຳຫລວດ (18/06/1981 - 18/06/2016) ແລະ ມອບຫລຽນໄຊພິລະອາດຫານຊັ້ນ 1 ໃຫ້ກົມໃຫຍ່ການເມືອງຕຳຫລວດປະຊາຊົນ.
ກ່າວຄຳເຫັນທີ່ພິທີ, ທ່ານພົນໂທ ໂຕເລີມ ລັດຖະມົນຕີກະຊວງຕຳຫລວດ ຫວຽດນາມ ຕີລາຄາໜ້າທີ່ກໍ່ສ້າງກຳລັງຕຳຫລວດປະຊາຊົນ ມີທີ່ຕັ້ງສຳຄັນພິເສດໃນວຽກງານຕຳຫລວດ, ຕັດສິນເຖິງຄຸນນະພາບ ປະສິດທິຜົນຂອງການ ຮັບປະກັນຄວາມສະຫງົບປອດໄພແຫ່ງຊາດ ຮັກສາຄວາມເປັນລະບຽບຮຽບຮ້ອຍ ແລະ ຄວາມປອດໄພທາງສັງຄົມ. ທ່ານພົນໂທ ໂຕເລີມ ຊີ້ນຳກົມໃຫຍ່ການເມືອງຕຳຫລວດປະຊາຊົນ ແລະ ຕຳຫລວດບັນດາຫົວໜ່ວຍ, ທ້ອງຖິ່ນຈົ່ງໃກ້ສິດຕິດແທດກັບໜ້າທີ່ດ້ານການເມືອງໃນແຕ່ລະໄລຍະ ເພື່ອເປັນເຈົ້າການໃນການເປັນເສນາທິການ ສະເໜີຄະນະພັກຕຳຫລວດສູນກາງ ກະຊວງຕຳຫລວດປະກາດໃຊ້ບັນດາແຜນນະໂຍບາຍ, ແນວທາງ, ມາດຕະການທີ່ມີລັກສະນະຍຸດທະສາດກ່ຽວກັບວຽກງານການເມືອງ, ກໍ່ສ້າງກອງກຳລັງໃນທົ່ວຂະແໜງໂດຍພື້ນຖານ. ຄຽງຄູ່ກັນນັ້ນ ສືບຕໍ່ບູລະນະລະບົບອົງການການເມືອງ, ອົງການກໍ່ສ້າງກຳລັງຕຳຫລວດທຸກຂັ້ນຢ່າງກະທັດລັດ, ມີຄຸນນະພາບ, ຍົກສູງບົດບາດທີ່ຕັ້ງໃຫ້ເໝາະສົມກັບຄວາມຮຽກຮ້ອງຕ້ອງການ, ໜ້າທີ່ວຽກງານດ້ານການເມືອງຂອງກອງກຳລັງຕຳຫລວດປະຊາຊົນໃນສະພາບການໃໝ່.