ປະທານປະເທດເຂົ້າຮ່ວມພິທີສະເຫຼີມສະຫຼອງ55ປີແຫ່ງວັນມູນເຊື້ອກຳລັງຕຳຫລວດປ້ອງກັນຕ້ານອັກຄີໄພ
ປະທານປະເທດ ເຈີ່ນດ້າຍກວາງ ເຂົ້າຮ່ວມພິທີສະເຫຼີມສະຫຼອງ
55 ປີແຫ່ງວັນມູນເຊື້ອກຳລັງຕຳຫລວດປ້ອງກັນຕ້ານອັກຄີໄພ
(vovworld) – ກ່າວຄຳເຫັນທີ່ພິທີສະເຫຼີມສະຫຼອງ 55 ປີແຫ່ງວັນມູນເຊື້ອກຳລັງຕຳຫລວດປ້ອງກັນຕ້ານອັກຄີໄພ (04/10) ຖືກດຳເນີນໃນຕອນເຊົ້າວັນທີ 02/10 ຢູ່ ຮ່າໂນ້ຍ, ທ່ານປະທານປະເທດ ຫວຽດນາມ ເຈີ່ນດ້າຍກວາງ ຖືວ່າ: ໃນໄລຍະຈະມາເຖິງ, ລະດັບຫັນເປັນຕົວເມືອງໄດ້ດຳເນີນໄປຢ່າງວ່ອງໄວ, ການປ່ຽນແປງຂອງດິນຟ້າອາກາດ, ໄພແຫ້ງແລ້ງ, ແກ່ຍາວຢູ່ຫລາຍແຫ່ງຍັງຄົງຜັນແປໄປຢ່າງສັບສົນ ຈະເປັນຜົນກະທົບໃຫຍ່ກໍ່ໃຫ້ເກີດອັກຄີໄຟ. ທ່ານປະທານປະເທດສະເໜີກຳລັງຕຳຫລວດປ້ອງກັນຕ້ານອັກຄີໄພຄວນເປັນເຈົ້າການໃນການສຳຫລວດພື້ນຖານ, ໄຈ້ແຍກ, ຄາດຄະເນສະພາບອັກຄີໄພ, ປະຕິບັດດີບົດບາດໜ້າທີ່ເປັນເສນາທິການໃຫ້ພັກ, ລັດ ປະກາດໃຊ້ບັນດາແຜນນະໂຍບາຍ, ນະໂຍບາຍ, ກົດໝາຍກ່ຽວກັບການປ້ອງກັນຄ້ານອັກຄີໄພ ແລະ ກູ້ໄພກູ້ຊີບ. ພິເສດແມ່ນຕ້ອງແຜ່ຂະຫຍາຍບັນດາແບບຢ່າງທີ່ກ້າວໜ້າຕາມທິດສະໝັກໃຈ, ປ້ອງກັນເອງ, ຄຸ້ມຄອງເອງຢູ່ບັນດາເຂດຊຸມຊົນ, ເຂດວິສາຫະກິດເພື່ອຮັບປະກັນຄວາມປອດໄພປ້ອງກັນຕ້ານອັກຄີໄພ. ທ່ານປະທານປະເທດ ຮຽກຮ້ອງກຳລັງຕຳຫລວດປ້ອງກັນຕ້ານອັກຄີໄພຄວນເພີ່ມທະວີການຄົ້ນຄວ້າ, ໜູນໃຊ້ບັນດາຜົນງານດ້ານວິທະຍາສາດ - ເຕັກໂນໂລຢີກ້ວາໜ້າ ປະກອບສ່ວນຍົກສູງຄຸນນະພາບ, ປະສິດທິຜົນວຽກງານປ້ອງກັນຕ້ານອັກຄີໄພ ແລະ ກູ້ໄພກູ້ຊີບ. ພ້ອມທັງເປີດກ້ວາງການພົວພັນຮ່ວມມືກັບສາກົນ ພິເສດແມ່ນກັບບັນດາປະເທດມີລະດັບວິທະຍາສາດ - ເຕັກໂນໂລຢີກ້າວໜ້າກ່ຽວກັບການປ້ອງກັນຕ້ານອັກຄີໄພ ເພື່ອແລກປ່ຽນບົດຮຽນ, ຖ່າຍທອດເຕັກໂນໂລຢີທັນສະໄໝ ແລະ ຍົກສູງລະດັບວິຊາສະເພາະຂອງພະນັກງານ, ນັກຮົບກຳລັງຕຳຫລວດປ້ອງກັນຕ້ານອັກຄີໄພ.