ປະທານປະເທດເຈີ່ນດ້າຍກວາງຕ້ອນຮັບເອກອັກຄະລັດຖະທູດການາດາເຂົ້າຢ້ຽມອຳລາ
ທ່ານປະທານປະເທດ ຫວຽດນາມ ເຈີ່ນດ້າຍກວາງ
ໄດ້ໃຫ້ການຕ້ອນຮັບທ່ານ David Devine
(vovworld) - ຕອນເຊົ້າວັນທີ 07/09 ຢູ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈີ່ນດ້າຍກວາງ ໄດ້ໃຫ້ການຕ້ອນຮັບທ່ານ David Devine ເອກອັກຄະລັດຖະທູດ ການາດາ ເຂົ້າຢ້ຽມອຳລາ ເນື່ອງໃນໂອກາດສິ້ນສຸດອາຍຸການປະຕິບັດງານທາງການທູດຢູ່ ຫວຽດນາມ. ທ່ານປະທານປະເທດ ຕີລາຄາສູງບັນດາບາດກ້າວທີ່ແທດຈິງ ຊຶ່ງບັນລຸໄດ້ໃນການພົວພັນລະຫວ່າງ 2 ປະເທດ ຫວຽດນາມ - ການາດາ ແລະ ບັນດາການປະກອບສ່ວນສຳຄັນຂອງທ່ານເອກອັກຄະລັດຖະທູດເຂົ້າໃນການຊຸກຍູ້ການພົວພັນ ຫວຽດນາມ - ການາດາ ໃນອາຍຸການປະຕິບັດງານຂອງທ່ານເອກອັກຄະລັດຖະທູດ. ທ່ານປະທານປະເທດຢືນຢັນວ່າ: ຫວຽດນາມ ພ້ອມແລ້ວທີ່ຈະສົມທົບ, ໜູນຊ່ວຍ ການາດາ ເພື່ອເພີ່ມທະວີການພົວພັນ ອາຊຽນ - ການາດາ ຕາມທິດຢ່າງມີປະສິດທິຜົນ ແລະ ແທດຈິງ. 2 ປະເທດ ກໍ່ຈະສືບຕໍ່ສົມທົບກັນຢູ່ບັນດາເວທີປາໄສສາກົນຫລາຍຝ່າຍ. ທ່ານປະທານປະເທດປາດຖະໜາວ່າ: ໃນໄລຍະຈະມາເຖິງທ່ານເອກອັກຄະລັດຖະທູດ David Devine ເຖິງວ່າຈະດຳລົງຕຳແໜ່ງໃດກໍ່ຕາມ ກໍ່ຈະສືບຕໍ່ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບ, ການຮ່ວມມືລະຫວ່າງ 2 ປະເທດ ຫວຽດນາມ - ການາດາ ໃຫ້ດີຍິ່ງໆຂຶ້ນ.