ປະທານປະເທດເຈີ່ນດ້າຍກວາງພົບປະສັງສັນຄະນະນັກທຸລະກິດດີເດັ່ນຫວຽດນາມ
ທ່ານປະທານປະເທດ ເຈີ່ນດ້າຍກວາງ
(vovworld) - ຕອນບ່າຍວັນທີ 16/05, ຢູ່ຮ່າໂນ້ຍ, ທ່ານປະທານປະເທດ ເຈີ່ນດ້າຍກວາງ ພົບປະສັງສັນກັບຄະນະຜູ້ແທນນັກທຸລະກິດດີເດັ່ນ ທີ່ເຂົ້າຮ່ວມ “ເວທີປາໄສ ປະທານ ໂຮ່ມຈີມິນກັບວິສາຫະກິດ, ນັກທຸລະກິດ” ແລະ ເຂົ້າຮ່ວມພິທີປຸກລະດົມຂະບວນການແຂ່ງຂັນນັກທຸລະກິດ ຫວຽດນາມ ຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊີວິດຂອງປະທານໂຮ່ຈີມິນ.
ທ່ານປະທານປະເທດ ເຈີ່ນດ້າຍກວາງ ຢືນຢັນວ່າ: ເລື່ອງຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ໃນບັນດາວິສາຫະກິດ ແລະ ຖັນແຖວນັກທຸລະກິດ, ຜູ້ອອກແຮງງານ ໄດ້ປະກອບສ່ວນຍົກສູງຄຸນນະພາບ, ປະສິດທິຜົນການຜະລິດດຳເນີນທຸລະກິດ, ສ້າງກຳລັງແຜ່ຂະຫຍາຍຢ່າງແຮງໃນປະຊາຄົມບັນດາວິສາຫະກິດ. ທ່ານປະທານປະເທດ ເຈີ່ນດ້າຍກວາງ ສະເໜີຖັນແຖວນັກທຸລະກິດຄວນຜັນຂະຫຍາຍການປະຕິບັດຄຳສັ່ງຂອງກົມການເມືອງ ກ່ຽວກັບການຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດ, ວິຖີຊີວິດ ໂຮ່ຈີມິນ ຢ່າງເຂັ້ມງວດ; ມານະພະຍາຍາມສ້າງຮູບພາບນັກທຸລະກິດທີ່ມີສີສັນຫວຽດນາມ, ຍົກສູງຄວາມເອກອ້າງທະນົງໃຈຕໍ່ປະເທດຊາດ, ມີຄວາມມຸ້ງຫວັງບືນຕົວຂຶ້ນສ້າງຄວາມຮັ່ງມີໃຫ້ແກ່ຕົນເອງ ແລະ ໃຫ້ແກ່ປະເທດຊາດ. ທ່ານປະທານປະເທດ ເຈິ່ນດ້າຍກວາງ ກໍ່ໃສ່ໃຈຖັນແຖວວິສາຫະກິດຄວນສ້າງໂຄງປະກອບການຜະລິດ, ດຳເນີນທຸລະກິດຄືນໃໝ່, ນຳໃຊ້ວິທະຍາສາດເຕັກນິກ, ຍົກສູງຄວາມສາມາດຄຸ້ມຄອງ, ເພີ່ມທະວີການຮ່ວມສຳພັນ, ສ້າງລະບົບສະໜອງ, ພ້ອມທັງເຂົ້າຮ່ວມການເຄື່ອນໄຫວຮັບປະກັນຊີວິດສັງຄົມຢ່າງຕັ້ງໜ້າ.