(ປະທານປະເທດເຈິ່ນດ້າຍກວາງຢ້ຽມຢາມແລະອວຍ
ພອນປີໃໝ່ຢູ່ກອງບັນຊາການທະຫານເຂດ 4)
(vovworld) - ຕອນບ່າຍວັນທີ 15/1, ເມື່ອລົງຢ້ຽມຢາມ, ອວຍພອນປີໃໝ່ ແລະ ມອບຂອງຂວັນໃຫ້ບັນດາຄອບຄົວນະໂຍບາຍ, ຄອບຄົວທຸກຍາກ, ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນແຂວງ ເງ້ອານ, ທ່ານປະທານປະເທດ ເຈິ່ນດ້າຍກວາງ ພ້ອມກັບຄະນະປະຕິບັດງານ ໄດ້ຢ້ຽມຢາມ ແລະ ອວຍພອນປີໃໝ່ຢູ່ກອງບັນຊາການທະຫານເຂດ 4. ນະທີ່ນີ້, ທ່ານປະທານປະເທດ ເຈິ່ນດ້າຍກວາງ ເນັ້ນໜັກວ່າ, ກຳລັງປະກອບອາວຸດທະຫານເຂດ 4 ຄວນສືບຕໍ່ເພີ່ມເຕີມ, ປັບປຸງບັນດາແບບວິທີສູ້ຮົບ, ແຜນການປ້ອງກັນໃຫ້ເໝາະສົມກັບການພັດທະນາຂອງສະພາບການ; ເປັນເຈົ້າການສົມທົບກັນກໍ່ສ້າງ ແລະ ປັບປຸງພື້ນຖານທົ່ວປວງຊົນປ້ອງກັນປະເທດຢ່າງໝັ້ນຄົງ, ທ່າຮົບທົ່ວປວງຊົນປ້ອງກັນປະເທດຕິດພັນກັບທ່າຮົບປະຊາຊົນປ້ອງກັນຄວາມສະຫງົບຢ່າງໝັ້ນຄົງໃນທ້ອງຖີ່ນ, ໃນແຕ່ລະທິດຍຸດທະສາດ, ພ້ອມກັນນັ້ນຕ້ອງສືບຕໍ່ປັບປຸງບັນດາກົມກອງທະຫານປະຈຳການຕາມແຜນຈັດຕັ້ງຂອງກອງທັບໃນໄລຍະສັນຕິພາບ, ຮັບປະກັນລັກສະນະກະທັດລັດ, ເຂັ້ມແຂງ, ເຄື່ອນທີ່ໄວ, ກຽມພ້ອມສູ້ຮົບສູງໃນທຸກສະພາບການ. ທ່ານປະທານປະເທດ ເຈິ່ນດ້າຍກວາງ ເນັ້ນໜັກວ່າ ກຳລັງປະກອບອາວຸດທະຫານເຂດ 4 ຈົ່ງເອົາໃຈໃສ່ເປັນພິເສດເຖິງວຽກງານຂົນຂວາຍປະຊາຊົນ, ເພີ່ມທະວີການປັບປຸງສາຍພົວພັນສາມັກຄີສະໜິດຕິດພັນລະຫວ່າງທະຫານ ແລະ ປະຊາຊົນ, ປະກອບສ່ວນກໍ່ສ້າງພື້ນຖານດ້ານການເມືອງຢູ່ທ້ອງຖີ່ນໃຫ້ໝັ້ນຄົງເຂັ້ມແຂງ, ກໍ່ສ້າງທ່າຮົບປະຊາຊົນ ແລະ ກຸ່ມກ້ອນມະຫາສາມັກຄີທົ່ວປວງຊົນທັງຊາດຢ່າງໝັ້ນຄົງ, ຄຽງຂ້າງງນັ້ນ ແມ່ນເອົາໃຈໃສ່ເຖິງໜ້າທີ່ປັບປຸງການປ້ອງກັນຊາດ, ປ້ອງກັນຄວາມສະຫງົບ ຕິດພັນກັບການພັດທະນາເສດຖະກິດ - ສັງຄົມຢ່າງແໜ້ນແຟ້ນ, ປະຕິບັດບັນດາໂຄງການເສດຖະກິດ - ປ້ອງກັນຊາດໃນທ້ອງຖີ່ນຢ່າງມີປະສິດທິຜົນ, ປະກອບສ່ວນປັບປຸງ, ຍົກສູງຊີວິດການເປັນຢູ່ຂອງທະຫານ.