ທ່ານປະທານປະເທດ ເຈິນດ້າຍກວາງ ໄດ້ເຮັດວຽກກັບສະຫະພັນໃຫຍ່ແຮງງານຫວຽດນາມ |
(vovworld)- ຕອນເຊົ້າວັນທີ 24/9, ທ່ານປະທານປະເທດ ເຈິນດ້າຍກວາງ ໄດ້ເຮັດວຽກກັບສະຫະພັນໃຫຍ່ແຮງງານຫວຽດນາມກ່ຽວກັບໝາກຜົນຂະບວນການກຳມະກອນ, ການເຄື່ອນໄຫວກຳມະບານ ແລະ ແຜນແມ່ບົດປ່ຽນໃໝ່ການຈັດຕັ້ງ ແລະ ການເຄື່ອນໄຫວຂອງກຳມະບານຫວຽດນາມ. ທີ່ການເຮັດວຽກ, ທ່ານປະທານປະເທດ ເຈິນດ້າຍກວາງໃຫ້ຮູ້ວ່າ ໄລຍະທີ່ຈະມາເຖິງ, ວິວັດການເຊື່ອມໂຍງເຂົ້າກັບສາກົນ ນັບມື້ນັບກ້ວາງເລິກ ດ້ວຍການປະຕິບັດບັນດາຄຳໝັ້ນສັນຍາໃນປະຊາຄົມອາຊຽນ ແລະ ອົງການການຄ້າໂລກ, ເຂົ້າຮ່ວມບັນດາສັນຍາການຄ້າເສລີລຸ່ນໃໝ່ ຈະສົ່ງຜົນກະທົບໃນຫຼາຍດ້ານ, ໃນນັ້ນ ມີການກະທົບເຖິງແຮງງານ ແລະ ກຳມະບານ. ທ່ານປະທານປະເທດ ເຈິນດ້າຍກວາງ ສະເໜີສະຫະພັນໃຫຍ່ແຮງງານຫວຽດນາມ ສຸມໃສ່ໂຄສະນາ, ສຶກສາອົບຮົມ, ຍົກສູງຄວາມເຂົ້າໃຈກ່ຽວກັບອົງການກຳມະບານ, ກົດໝາຍວ່າດ້ວຍແຮງງານ, ວ່າດ້ວຍກຳມະບານໃຫ້ແກ່ກຳມະກອນ, ລັດຖະກອນ, ຜູ້ອອກແຮງງານ…