ທ່ານ ເຈີ່ນດ້າຍກວາງ ທີ່ການເຮັດວຽກ
(vovworld) – ທີ່ການເຮັດວຽກໃນວັນທີ 9/8, ທ່ານປະທານປະເທດ ເຈີ່ນດ້າຍກວາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ, ສະເໜີຂະແໜງໄອຍະການປ່ຽນໃໝ່ວຽກງານທຸກດ້ານ, ຮັບປະກັນຄວາມຍຸຕິທຳຕ້ອງໄດ້ຮັບການປະຕິບັດ, ປະກອບສ່ວນກໍ່ສ້າງສັງຄົມໃຫ້ມີຄວາມລະບຽບຮຽບຮ້ອຍ, ສີວິໄລ, ຍົກສູງຈິດໃຈ “ເຄົາລົບກົດໝາຍ”. ກ່ຽວກັບໂຄງປະກອບການຈັດຕັ້ງຂະແໜງໄອຍະການ, ທ່ານປະທານປະເທດ ເຈີ່ນດ້າຍກວາງ ສະເໜີຕ້ອງສືບຕໍ່ປັບປຸງການຈັດຕັ້ງກົງຈັກຕາມຂໍ້ກຳນົດຂອງກົດໝາຍວ່າດ້ວຍອົງການໄອຍະການປະຊາຊົນປີ 2014, ປັບປຸງແຜນຮ່າງຈັດຕັ້ງ, ການບັນຈຸພະນັກງານຂອງຂະແໜງໄອຍະການປະຊາຊົນຮອດປີ 2020 ໃຫ້ສຳເລັດໂດຍໄວເພື່ອຍື່ນສະເໜີຕໍ່ກົມການເມືອງໃຫ້ຄຳເຫັນ. ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ:
“ສຸມໃສ່ບຳລຸງສ້າງ, ຝຶກອົບຮົມ, ຍົກສູງລະດັບການເມືອງ, ວິຊາການ, ກົດໝາຍ, ພາສາຕ່າງປະເທດ ແລະ ບັນດາຄວາມຮູ້ກ່ຽວກັບດ້ານເສດຖະກິດ, ວິທະຍາສາດ - ເຕັກໂນໂລຢີ ທີ່ຈຳເປັນອື່ນໆອີກ. ສ້າງຖັນແຖວພະນັກງານ, ນັກໄອຍະການ, ລັດຖະກອນຂະແໜງໄອຍະການປະຊາຊົນໃຫ້ມີຄວາມໝັ້ນຄົງດ້ານການເມືອງ, ມີຄວາມເກັ່ງກ້າດ້ານວິຊາຊີບການ, ມີຄວາມຮູ້ຮອບດ້ານກ່ຽວກັບກົດໝາຍ, ມີຄຸນນະທາດ, ຄວາມຮັບຜິດຊອບ. ປັບປຸງແບບແຜນການເຮັດວຽກ, ເພີ່ມທະວີກົດວິໄນ, ລະບຽບວິໄນໃນການປະຕິບັດວຽກງານລັດຖະບານ”