(vovworld) - ຕອນເຊົ້າວັນທີ 26/08, ທ່ານປະທານປະເທດ ເຈີນດ້າຍກວາງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງຫວຽດນາມ ໄດ້ເດີນທາງອອກຈາກຮ່າໂນ້ຍ, ໄປຢ້ຽມຢາມທາງລັດຖະກິດ ບຣຸໄນ ດາຣຸຊາລາມ ແຕ່ວັນທີ 26 – 28/08, ຕາມຄຳເຊີນຂອງພະບາດສົມເດັດ Haji Hassanal Bolkiah Mu’izzaddin Waddaulah.
ຫວຽດນາມ ແລະ ບຣຸໄນ ດາຣຸຊາລາມ ໄດ້ສ້າງຕັ້ງການພົວພັນທາງການທູດນັບແຕ່ວັນທີ 29/02/1992 ແລະ ຈະຈັດພິທີສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດໃນປີ 2017. ການພົວພັນລະຫວ່າງຫວຽດນາມ - ບຣຸໄນ ດາຣຸຊາລາມ ພວມຢູ່ໃນທ່າພັດທະນາ, 2 ປະເທດໄດ້ແລກປ່ຽນການຢ້ຽມຢາມ ແລະ ການພົບປະຂັ້ນສູງເປັນປະຈຳ. ການຢ້ຽມຢາມທາງລັດຖະກິດເຖິງ ບຣຸໄນ ດາຣຸຊາລາມ ຂອງທ່ານປະທານປະເທດ ເຈີນດ້າຍກວາງ ແມ່ນເພື່ອແນໃສ່ສືບຕໍ່ຜັນຂະຫຍາຍແນວທາງພົວພັນຕ່າງປະເທດຂອງກອງປະຊຸມໃຫຍ່ຄັ້ງທີ 12 ພັກກອມມູນິດຫວຽດນາມ, ນຳການພົວພັນກັບສາກົນໃຫ້ພັດທະນາເຂົ້າສູ່ລວງເລິກ, ໂດຍຜ່ານການປັບປຸງ ແລະ ເຮັດໃຫ້ການພົວພັນມິດຕະພາບ, ການຮ່ວມມືຫຼາຍດ້ານກັບ ບຣຸໄນ ດາຣຸຊາລາມ ໃຫ້ເລິກເຊິ່ງກວ່າ.
ສິ້ນສຸດການຢ້ຽມຢາມທາງລັດຖະກິດເຖິງ ບຣຸໄນ ດາຣຸຊາລາມ, ທ່ານປະທານປະເທດ ເຈີນດ້າຍກວາງ ແລະ ພັນລະຍາຈະໄປຢ້ຽມຢາມທາງລັດຖະກິດເຖິງປະເທດສ.ສິງກະໂປ ໃນລະຫວ່າງວັນທີ 28 – 30/08, ຕາມຄຳເຊີນຂອງທ່ານປະທານາທິບໍດີປະເທດສ.ສິງກະໂປ Tony Keng Yam.