ປະທານປະເທດເຈືອງເຕີນ ຊາງເປັນປະທານວາລະ ປະຊຸມປະຕິຮູບ ຕຸລາການ
(ພາບ: Nguyễn Khang - TTXVN )
(vovworld)- ວັນທີ 5/12, ຢູ່ຮ່າໂນ້ຍ, ທ່ານປະທານປະເທດເຈືອງເຕີນຊາງ, ຫົວໜ້າຄະນະປະຕິຮູບຕຸລາການສູນກາງ ໄດ້ເປັນປະທານວາລະປະຊຸມຄັ້ງທີ 12 ຄະນະຊີ້ນຳການປະຕິຮູບຕຸລາການສູນກາງເພື່ອຮັບຄຳເຫັນປະກອບໃສ່ແຜນຮ່າງຈັດຕັ້ງອົງການສືບສວນ. ຄຳເຫັນຂອງຜູ້ແທນຫຼາຍທ່ານຖືວ່າ, ການປັບປຸງບັນດາອົງການສືບສວນແມ່ນວຽກງານຈຳເປັນເພື່ອແກ້ໄຂຈຸດອ່ອນ ແລະ ຕອບສະໜອງຄວາມຮຽກຮ້ອງຕ້ອງການຕົວຈິງໃນສະເພາະໜ້າ ກໍ່ຄືໄລຍະຍາວນານ ແມ່ນຄຳຮຽກຮ້ອງພາລະວິໄສ.
ທ່ານປະທານປະເທດເຈືອງເຕີນຊາງ ຕີລາຄາສູງການກະກຽມຂອງຄະນະຮຽບຮຽງແຜນຮ່າງພ້ອມກັບບັນດາເນື້ອໃນປະກອບຄຳເຫັນຂອງບັນດາສະມາຊິກ, ທ່ານເນັ້ນໜັກວ່າ ລະບົບດຳເນີນຄະດີ, ໃນນັ້ນມີອົງການສືບສວນໄດ້ຮັບການບູລະນະການຈັດຕັ້ງ ແລະ ປ່ຽນໃໝ່ວິທີການເຄື່ອນໄຫວຈະປະກອບສ່ວນຈຳກັດຄະດີຕັດສິນລົງໂທດຢ່າງບໍ່ຖືກຕ້ອງ. ປະທານປະເທດເຈືອງເຕີນຊາງ ສະເໜີໃຫ້ອົງການຮຽບຮຽງ ຈົ່ງກວດກາແຜນຮ່າງ, ສືບຕໍ່ຮັບຄຳເຫັນປະກອບ ແລະ ເພີ່ມເຕີມບັນດາເນື້ອໃນເໝາະສົມ, ປັບປຸງຢ່າງທັນການເພື່ອສ້າງແຜນຮ່າງເປັນສົມບູນແບບ, ປະກອບສ່ວນປະຕິຮູບ ຕອບສະໜອງຄວາມຮຽກຮ້ອງຕ້ອງການສະພາບການໃໝ່./.