(vovworld)- ວັນທີ 28/3, ທ່ານປະທານປະເທດຫວຽດນາມ ເຈືອງເຕີນຊາງ ແລະ ທ່ານເລຮົງແອງ ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ໄດ້ໃຫ້ການຕ້ອນຮັບຄະນະຜູ້ແທນພັກປະຊາຊົນກຳປູເຈຍ (CPP) ໂດຍທ່ານ Xim Ca ກຳມະການຜູ້ປະຈຳການຄະນະປະຈຳສູນກາງພັກປະຊາຊົນກຳປູເຈຍ, ສະມາຊິກສະພາສູງ, ຫົວໜ້າຄະນະການເງິນສູນກາງນຳໜ້າ ພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ນະທີ່ນີ້, ທ່ານ Xim Ca ຢືນຢັນວ່າ: ພັກປະຊາຊົນກຳປູເຈຍ (CPP), ລັດ ແລະ ປະຊາຊົນກຳປູເຈຍ ຈະເຮັດຈົນສຸດຄວາມສາມາດຂອງຕົນເພື່ອຮັກສາ ແລະ ເພິ່ມພູນຄູນສ້າງສາຍພົວພັນມິດຕະພາບອັນເປັນມູນເຊື້ອລະຫວ່າງສອງພັກ, ສອງລັດຫວຽດນາມ-ກຳປູເຈຍ ໃຫ້ພັດທະນາຂຶ້ນສູ່ລະດັບສູງໃໝ່. ສ່ວນທ່ານປະທານປະເທດເຈືອງເຕີນຊາງ ແລະ ທ່ານເລຮົງແອງ ຢືນຢັນວ່າ: ຍາມໃດ ຫວຽດນາມ ກໍ່ຖືເປັນສຳຄັນ ແລະ ໃຫ້ບຸລິມິສິດຢ່າງສູງໃຫ້ແກ່ການປັບປຸງ ແລະ ພັດທະນາສາຍພົວພັນຖານບ້ານໃກ້ເຮືອນຄຽງອັນດີງາມ, ນ້ຳໃຈມິດຕະພາບອັນເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານລະຫວ່າງຫວຽດນາມ-ກຳປູເຈຍ ແລະ ປາດຖະໜາວ່າ ສອງປະເທດຈະສືບຕໍ່ເສີມຂະຫຍາຍມູນເຊື້ອການພົວພັນຮ່ວມມືອັນດີງາມ, ຜັນຂະຫຍາຍບັນດາຂໍ້ຕົກລົງຂັ້ນສູງສອງພັກ, ສອງລັດຢ່າງມີປະສິດທິຜົນ.