ປະທານປະເທດເຈືອງເຕີນຊາງ:ຂະແໜງສານຕ້ອງຮັບປະກັນຄວາມເປັນເອກະລາດ,ເປີເຜີຍ,ກະຈ່າງແຈ້ງໃນການພິພາກສາ
ປະທານປະເທດ ເຈືອງເຕີນຊາງ ເຮັດວຽກກັບຜູ້ນຳຫຼັກແຫຼ່ງຂະແໜງສານ
(vovworld) – ຕອນເຊົ້າວັນທີ 15/7, ທີ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈືອງເຕີນຊາງ ມີການເຮັດວຽກກັບຄະນະພະນັກງານການນຳຫຼັກແຫຼ່ງຂອງສານປະຊາຊົນສູງສຸດກ່ຽວກັບໝາກຜົນການເຄື່ອນໄຫວ 6 ເດືອນຕົ້ນປີ ແລະ ວຽກງານ 6 ເດືອນທ້າຍປີ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເນັ້ນໜັກວ່າ: ຄວນເອົາໃຈໃສ່ພິເສດເຖິງການເສີມຂະຫຍາຍບົດບາດສານແມ່ນສູນກາງແຫ່ງການເຄື່ອນໄຫວດ້ານຕຸລາການ, ແມ່ນອົງການພິພາກສາຮັບປະກັນສິດ ແລະ ຜົນປະໂຫຍດອັນຖືກຕ້ອງຕາມກົດໝາຍຂອງລັດ ແລະ ຂອງພົນລະເມືອງ. ທ່ານກ່າວວ່າ:
“ທ່າອ່ຽງໝາກຜົນກ້າວໜ້າເພີ່ມຂຶ້ນ, ສູ້ຊົນຕາມທິດສານນຳມາຄວາມຍຸຕິທຳໃຫ້ແກ່ທຸກຄົນ, ຕ້ອງປົກປ້ອງສິດຜົນປະໂຫຍດຂອງລັດ ແລະ ພົນລະເມືອງ. ນີ້ແມ່ນ 2 ດ້ານໄດ້ຖືເປັນສຳຄັນ ຫາກບໍ່ພຽງແຕ່ຖືຜົນປະໂຫຍດຂອງລັດ ແຕ່ບໍ່ຖືເປັນສຳຄັນຜົນປະໂຫຍດຂອງພົນລະເມືອງ.”
ທ່ານປະທານປະເທດ ຕີລາຄາສູງເລື່ອງຂະແໜງສານພິພາກສາບັນດາຄະດີເສດຖະກິດ, ການສໍ້ລາດບັງຫຼວງຢ່າງທັນການ, ທ່ານໃຫ້ຄຳຕັກເຕືອນວ່າໝາກຜົນຂອງການພິພາກສາຕ້ອງອີງໃສ່ພື້ນຖານການພິພາກສາ, ຖືກຕ້ອງຕາມລະບຽບກົດໝາຍ. ເມື່ອເຕື້ອງເຖິງເລື່ອງສ້າງລະບົບກົດໝາຍໃຫ້ສົມບູນແບບຕາມຈິດໃຈລັດຖະທຳມະນູນສະບັບໃໝ່, ທ່ານປະທານປະເທດ ສະເໜີຕ້ອງເຮັດໃຫ້ຈະແຈ້ງບັນດາບັນຫາທິດສະດີ ແລະ ພຶດຕິກຳເພື່ອຫັນເປັນກົດໝາຍ, ພ້ອມທັງຕິດພັນກັບການບຳລຸງສ້າງ, ຝຶກອົບຮົມຍົກສູງລະດັບໃຫ້ຖັນແຖວພະນັກງານພິພາກສາ.