ປະທານປະເທດເຈືອງເຕີ໋ນຊາງຕ້ອນຮັບຄະນະຜູ້ແທນຜູ້ມີຄຸນງາມຄວາມດີແຂວງຮ່ານາມ
ທ່ານປະທານປະເທດ ເຈືອງເຕີ໋ນຊາງ ຕ້ອນຮັບ
ຄະນະຜູ້ແທນຜູ້ມີຄຸນງາມຄວາມດີແຂວງຮ່ານາມ
(ພາບ: TTXVN)
(vovworld) – ຕອນບ່າຍວັນທີ 05/01, ຢູ່ຮ່າໂນ້ຍ, ທີ່ການຕ້ອນຮັບຄະນະຜູ້ແທນຜູ້ມີຄຸນງາມຄວາມດີແຂວງ ຮ່ານາມ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ຢືນຢັນວ່າ: ພັກ, ລັດ ຍາມໃດກໍ່ຈົດຈຳບຸນຄຸນອັນໃຫຍ່ຫລວງຂອງບັນດາຜູ້ມີຄຸນງາມຄວາມດີຕໍ່ປະເທດຊາດ. ທ່ານປະທານປະເທດ ເຈືອງເຕີ໋ນຊາງ ຖືວ່າ: ໃນພາລະກິດພັດທະນາລວມຂອງປະເທດ, ພັກ, ລັດ ຈະສືບຕໍ່ ແລະ ຍາມໃດກໍ່ເບິ່ງແຍງດູແລຜູ້ມີຄຸນງາມຄວາມດີ. ບັນດາສິ່ງຕິດຂັດທີ່ຍັງຄົງຄ້າງຈະໄດ້ຮັບການແກ້ໄຂເທື່ອລະກ້າວ ເພື່ອຊ່ວຍເຫຼືອຜູ້ມີຄຸນງາມຄວາມດີຕໍ່ປະເທດຊາດ. ທ່ານປະທານປະເທດ ເຈືອງເຕີ໋ນຊາງ ປາດຖະໜາວ່າ: ບັນດາຜູ້ແທນສືບຕໍ່ມີການປະກອບສ່ວນໃຫ້ບ້ານເກີດເມືອງນອນ ຮ່ານາມ ເວົ້າສະເພາະ ແລະ ປະເທດຊາດເວົ້າລວມ, ພ້ອມກັນນັ້ນ ສືບຕໍ່ສຶກສາອົບຮົມມູນເຊື້ອອັນດີງາມໃຫ້ລຸ່ນໜຸ່ມປະຕິບັດຕາມ.