ປະທານປະເທດເຈືອງເຕິ໋ນຊາງຕ້ອນຮັບລັດຖະມົນຕີກະຊວງກະສິກຳ,ປ່າໄມ້,ການປະມົງຍີ່ປຸ່ນ
(ພາບ:google.com.vn)
(vovworld) - ຕອນບ່າຍວັນທີ 11/8, ຢູ່ສຳນັກງານປະທານປະເທດ, ທ່ານປະທານປະເທດ ເຈືອງເຕິ໋ນຊາງ ໄດ້ໃຫ້ການຕ້ອນຮັບທ່ານລັດຖະມົນຕີວ່າການກະຊວງກະສິກຳ, ປ່າໄມ້, ການປະມົງຍີ່ປຸ່ນ Hayashi Yochimasa, ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ, ທີ່ການຕ້ອນຮັບ, ທ່ານປະທານປະເທດ ເຈືອງເຕິ໋ນຊາງ ຕີລາຄາສູງເນື້ອໃນການຢ້ຽມຢາມ ແລະ ເຮັດວຽກຂອງຄະນະຍີ່ປຸ່ນ ໃນຄັ້ງນີ້, ພິເສດແມ່ນໃນຂົງເຂດກະສິກຳ, ທ່ານປະທານປະເທດ ເຈືອງເຕິ໋ນຊາງ ຖືວ່າ, ແນວຄວາມຄິດກ່ຽວກັບການຮ່ວມມືໃນຂົງເຂດກະສິກຳລະຫວ່າງສອງປະເທດ ດ້ວຍຄວາມຫວັງຈະເປັນຮູບແບບຮ່ວມມືທີ່ເປັນແບບຢ່າງໃນອາຊຽນ ເມື່ອສຳເລັດຜົນ ຈະໄດ້ຮັບການເປີດກວ້າງໄປສູ່ຮູບແບບຮ່ວມມືອື່ນໆ. ທ່ານປະທານປະເທດສະເໜີວ່າ, ພາຍຫຼັງຂໍ້ຕົກລົງລະຫວ່າງກະຊວງກະສິກຳສອງປະເທດໄດ້ຮັບການລົງນາມ ຈະຜັນຂະຫຍາຍໂດຍໄວ, ປະກອບສ່ວນເຮັດໃຫ້ຂົງເຂດຮ່ວມມືດ້ານກະສິກຳລະຫວ່າງສອງປະເທດພັດທະນາໄວກວ່າອີກ.
ສ່ວນທ່ານລັດຖະມົນຕີວ່າການກະຊວງກະສິກຳ, ປ່າໄມ້, ການປະມົງຍີ່ປຸ່ນ ໃຫ້ຮູ້, ສອງຝ່າຍຈະແລກປ່ຽນວິໄສທັດລວມໄລຍະຍາວ ໃນການຮ່ວມມືດ້ານກະສິກຳ, ດ້ວຍຄວາມຫວັງ ນີ້ຈະແມ່ນຮູບແບບຮ່ວມມືທີ່ເປັນແບບຢ່າງໃນອາຊຽນ.