ປະທານປະເທດເຈືອງເຕີນຊາງຖະຫວາຍທູບທຽນອາໄລຫາບັນດາເຈົ້າຊີວິດຮຸ່ງ
ທ່ານປະທານປະເທດຫວຽດນາມ ເຈືອງເຕິນຊາງ
ຖະຫວາຍທູບທຽນ, ອາໄລຫາ, ສະແດງຄວາມຮູ້ບຸນຄຸນຕໍ່ບັນດາເຈົ້າຊີວິດຮຸ່ງ
(ພາບ: nhandan.com.vn)
(vovworld) - ເນື່ອງໃນໂອກາດຕ້ອນຮັບບຸນປີໃໝ່ ປີມະເມຍ 2014, ຕອນເຊົ້າວັນທີ 26/01, ທ່ານປະທານປະເທດຫວຽດນາມ ເຈືອງເຕິນຊາງ ໄດ້ໄປຖະຫວາຍທູບທຽນ, ອາໄລຫາ, ສະແດງຄວາມຮູ້ບຸນຄຸນຕໍ່ບັນດາເຈົ້າຊີວິດຮຸ່ງ ຢູ່ເຂດປູຊະນີຍະສະຖານປະຫວັດສາດພິເສດແຫ່ງຊາດ ວິຫານຮຸ່ງ, ແຂວງ ຟຸ໋ທໍ໋. ທີ່ວັງ ກິ໋ງທຽນ, ຢູ່ຈອມພູ ຫງີ້າຍລິ້ງ, ທ່ານປະທານປະເທດ ເຈືອງເຕີນຊາງ ພ້ອມກັບບັນດາການນຳແຂວງ ຟຸ໋ທໍ້ ແລະ ຄະນະຜູ້ແທນໄດ້ຖະຫວາຍດອກໃມ້, ທູບທຽນ, ເຄື່ອງຂອງບູຊາອາໄລຫາບັນດາເຈົ້າຊີວິດຮຸ່ງ, ພາວະນາໃຫ້ປະເທດຊາດເຂັ້ມແຂງ, ປະຊາຊົນເຮັ່ງມີ, ສີວິໄລ, ມີຄວາມສະຫງົບສຸກ ແລະ ປະຊາຊົນ, ປະເທດຊາດໝັ້ນຄົງຕະຫຼອດໄປ. ທົ່ວທັງຊາດຫວຽດນາມ ໃຫ້ຄຳໝັ້ນສັນຍາວ່າ ຈະເປັນຈິດໜຶ່ງໃຈດຽວສາມັກຄີນຳກັນ, ເສີມຂະຫຍາຍກຳລັງແຮງຂອງທົ່ວປວງຊົນທັງຊາດ ເພື່ອສ້າງສາປະເທດ ຫວຽດນາມ ໃຫ້ໝັ້ນຄົງ, ເຂັ້ມແຂງ; ສືບຕໍ່ຍູ້ແຮງວຽກງານປ່ຽນແປງໃໝ່, ນຳປະເທດຊາດເຊື່ອງໂຍງ ແລະ ພັດທະນາ ເພື່ອຈຸດໝາຍປະຊາຊົນຮ່ັງມີ, ປະເທດຊາດເຂັ້ມແຂງ, ຍຸຕິທຳ, ສີວີໄລ. ພາຍຫຼັງພິທີຖະຫວາຍທູບທຽນອາໄລຫາບັນດາເຂົ້າຊີວິດ ຮຸ່ງ, ທ່ານປະທານປະເທດ ເຈືອງເຕີນຊາງ ໄດ້ໄປວາງພວງມາລາ, ໃຕ້ທູບທຽນບູຊາບັນພະບູລຸດຢູ່ວິຫານພະບິດາ ລາກລອງກວນ ແລະ ພະແມ່ເອົາເກີ.
ໃນວັນທີ 27/1, ທ່ານປະທານປະເທດ ເຈືອງເຕີ້ນຊາງ ກໍໄດ້ໄປຖະຫວາຍທູບທຽນບູຊາອາໄລຫາທ່ານປະທານໂຮ່ຈິມິນຢູ່ເຂດອະນຸສອນສະຖານຂອງເພິ່ນ, ທ່່ານຍັງໄດ້ໄປຢ້ຽມຢາມ, ອວຍພອນປີໃໝ່ ແລະ ກວດກາວຽກງານຝຶກແອບ, ກຽມພ້ອມສູ້ຮົບຢູ່ກອງພັນໃຫຍ່ 61 - ກອງພົນ 361, ເຫຼົ່າທັບປ້ອງກັນອາກາດ.