ປະທານປະເທດເຈືອງເຕີນຊາງປຸກລະດົມບຸນເຕັດປູກຕົ້ນໄມ້
(ປະທານປະເທດເຈືອງເຕີນຊາງປຸກລະດົມບຸນເຕັດປູກຕົ້ນໄມ້)
(vovworld) – ຕອນເຊົ້າວັນທີ 15/02, ຢູ່ແຂວງ ຕວຽນກວາງ, ກະຊວງກະສິກຳ ແລະ ພັດທະນາຊົນນະບົດ ໄດ້ສົມທົບກັບແຂວງ ຕວຽນກວາງ ຈັດຕັ້ງພິທີປຸກລະດົມ “ບຸນເຕັດປູກຕົ້ນໄມ້ສະແດງຄວາມຮູ້ບຸນຄຸນປະທານໂຮ່ຈິມິນ ຕະຫຼອດໄປ”, ຢູ່ຕາແສງ ຮ່ວາງຄາຍ, ເມືອງອຽນເຊີນ, ແຂວງ ຕວຽນກວາງ. ກ່າວຄຳເຫັນທີ່ພິທີ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ບຸນເຕັດປູກຕົ້ນໄມ້ ໄດ້ກ່າຍເປັນຮີດຄອງປະເພນີອັນດີງາມຂອງປະຊາຊົນຫວຽດນາມ ໃນຍາມບຸນເຕັດ, ຕ້ອນຮັບລະດູບານໃໝ່.
“ຂ້າພະເຈົ້າຮຽກຮ້ອງໃຫ້ທຸກຂັ້ນ, ທຸກຂະແໜງການ, ທ້ອງຖິ່ນຕ່າງໆ, ປະຊາຊົນໃນທົ່ວປະເທດ, ໃນໂອກາດບຸນເຕັດປີວອກ 2016, ຈົ່ງມານະພະຍາຍາມເຂົ້າຮ່ວມການປູກຕົ້ນໄມ້, ປູກປ່າ. ພ້ອມທັງຍົກສູງສະຕິປົກປັກຮັກສາປ່າ, ສະກັດກັ້ນການຂຸດຄົ້ນປ່າຢ່າງຜິດກົດໝາຍ. ເຮັດສິ່ງດັ່ງກ່າວເປັນຢ່າງດີແມ່ນປະຕິບັດຕາມຄຳສັ່ງສອນຂອງປະທານໂຮ່ຈິມິນ, ທັງປະກອບສ່ວນພັດທະນາເສດຖະກິດ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຍົກສູງຄຸນນະພາບລົງຊີວິດການເປັນຢູ່ຂອງປະຊາຊົນ, ທັງປົກປັກຮັກສາສິ່ງແວດລ້ອມດຳລົງຊີວິດແບບຍືນຍົງໃຫ້ລູກຫຼານໃນອະນາຄົດ”.