ປະທານປະເທດເຈືອງເຕີນຊາງພົບປະກັບຜູ້ມີສິດເລືອກຕັ້ງນະຄອນໂຮ່ຈີມິນ
(vovworld) – ຕອນເຊົ້າວັນທີ 26/6, ຢູ່ນະຄອນ ໂຮ່ຈີມິນ, ຄະນະສະມາຊິກສະພາແຫ່ງຊາດນະຄອນ ໂຮ່ຈີມິນ ຊຸດທີ 13 ໂດຍທ່ານປະທານປະເທດ ເຈືອງເຕີນຊາງ ນຳໜ້າໄດ້ມີການພົບປະກັບຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈີມິນ ແລະ ບັນດາຜູ້ມີສິດເລືອກຕັ້ງພາຍຫຼັງກອງປະຊຸມສະໄໝສາມັນເທື່ອທີ 7.
ທີ່ການພົບປະ, ຜູ້ມີສິດເລືອກຕັ້ງນະຄອນໂຮ່ຈີມິນ ໄດ້ຕີລາຄາສູງເລື່ອງບັນດາ ສສຊ ໄດ້ຕັ້ງໜ້າເຂົ້າຮ່ວມການປຶກສາຫາລື ແລະ ມີຄຳເຫັນປະກອບຢ່າງສຸດຈິດສຸດໃຈເຂົ້າໃນບັນດາຮ່າງກົດໝາຍທີ່ກ່ຽວຂ້ອງໂດຍກົງເຖິງຊີວິດການເປັນຢູ່ຂອງປະຊາຊົນ. ຄຽງຂ້າງນັ້ນ, ຜູ້ມີສິດເລືອກຕັ້ງນະຄອນກໍ່ສະແດງຄຳເຫັນກ່ຽວກັບບັນດາບັນຫາກ່ຽວຂ້ອງເຖິງການປ່ຽນໃໝ່ການສຶກສາ, ບັນດາບັນຫາເສດຖະກິດ, ສັງຄົມ, ງົບປະມານແຫ່ງລັດກໍ່ຄືການປ້ອງກັນຊາດ, ປ້ອງກັນຄວາມສະຫງົບ.
ຕໍ່ໜ້າຄວາມສົນໃຈຂອງຜູ້ມີສິດເລືອກຕັ້ງກ່ຽວກັບບັນຫາທະເລຕາເວັນອອກ, ກ່າວຄຳເຫັນທີ່ການພົບປະ, ທ່ານປະທານປະເທດ ເຈືອງເຕີນຊາງ ຢືນຢັນອີກເທື່ອໜຶ່ງຢັ້ງຢືນທັດສະນະຂອງ ຫວຽດນາມ ແມ່ນຮັກຫອມສັນຕິພາບ, ມິດຕະພາບ, ພ້ອມແລ້ວທີ່ຈະເປັນເພື່ອນມິດກັບທຸກໆປະເທດໃນໂລກໂດຍອີງໃສ່ຄວາມສະເໝີພາບ, ຕ່າງຝ່າຍຕ່າງມີຜົນປະໂຫຍດ, ເຄົາລົບນັບຖືເຊິ່ງກັນ ແລະ ກັນ. ຫວຽດນາມ ບໍ່ອາໄສບໍ່ວ່າປະເທດໃດ. ຫວຽດນາມ ຕັດສິນໃຈປະຕິບັດຕາມແນວທາງນີ້ຢ່າງເລິກເຊິ່ງ ແລະ ປະກົດຜົນເປັນຈິງ. ໃນສະພາບການປະຈຸບັນ, ທ່ານປະທານປະເທດ ຖືວ່າ: ປະຊາຊົນແຕ່ລະຄົນ, ແຕ່ລະຂັ້ນ, ແຕ່ລະຂະແໜງການ... ພ້ອມກັນຮ່ວມແຮງຮ່ວມໃຈ, ສາມັກຄີເພື່ອສ້າງກຳລັງແຮງໃຫ້ແກ່ການຕໍ່ສູ້ປົກປັກຮັກສາອະທິປະໄຕຂອງປະເທດຊາດ.