ປະທານປະເທດເຈືອງເຕີນຊາງພົບປະຜູ້ມີສິດເລືອກຕັ້ງນະຄອນໂຮ່ຈີມິນ
ປະທານປະເທດ ເຈືອງເຕີນຊາງ ພົບປະກັບຜູ້ມີສິດເລືອກຕັ້ງເມືອງ 1
(ພາບ: vtc)
|
(vovworld) – ໂດຍປະຕິບັດແຜນການເຄື່ອນໄຫວພົບປະກັບຜູ້ມີສິດເລືອກຕັ້ງພາຍຫຼັງກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຊຸດທີ 13, ວັນທີ 29/6, ທ່ານປະທານປະເທດ ເຈືອງເຕີນຊາງ ພ້ອມກັບຄະນະສະມາຊິກສະພາແຫ່ງຊາດ (ສສຊ) ນະຄອນໂຮ່ຈີມິນ ໄດ້ລົງພົບປະກັບຜູ້ມີສິດເລືອກຕັ້ງເມືອງ 1 ແລະ ເມືອງ 3 ນະຄອນໂຮ່ຈີມິນ. ຜູ້ມີສິດເລືອກຕັ້ງຫຼາຍຄົນຖືວ່າ: ສສຊ ທີ່ກອງປະຊຸມນີ້ໄດ້ສັງເກດ, ຕີລາຄາຢ່າງກົງໄປກົງມາກ່ຽວກັບສະພາບຕົວຈິງ, ມາດຕະການສະກັດກັ້ນການຕັດສິນລົງໂທດຢ່າງຜິດພາດໃນການເຄື່ອນໄຫວດຳເນີນຄະດີອາຍາ.
ທ່ານປະທານປະເທດ ເຈືອງເຕີນຊາງ ຕີລາຄາສູງບັນດາຄວາມເຫັນທີ່ສຸດຈິດສຸດໃຈຂອງຜູ້ມີສິດເລືອກຕັ້ງ. ຕອບຄຳຖາມຂອງຜູ້ມີສິດເລືອກຕັ້ງກ່ຽວກັບການປົກປັກຮັກສາອະທິປະໄຕທະເລ, ໝູ່ເກາະກໍ່ຄືການປົກປັກຮັກສາຊາວປະມົງ, ທ່ານປະທານປະເທດ ຢັ້ງຢືນບັນຫາອະທິປະໄຕແມ່ນສັກກະລະບູຊາ, ຫວຽດນາມ ໄດ້ຄັດຄ້ານບັນດາການກະທຳເກາະຜິດຢູ່ທະເລຕາເວັນອອກ ພ້ອມທັງດຳເນີນຫຼາຍມາດຕະການຕໍ່ສູ້. ພັກ, ລັດ ຍາມໃດກໍ່ມີນະໂຍບາຍປົກປ້ອງ, ໜູນຊ່ວຍເບິ່ງແຍງດູແລໃຫ້ແກ່ພໍ່ແມ່ປະຊາຊົນຊາວປະມົງທຳມະຫາກິນເປັນປົກກະຕິບົນທະເລ. ທ່ານປະທານປະເທດ ເຈືອງເຕີນຊາງ ກ່າວວ່າ:
“ເບິ່ງແຍງຊີວິດການເປັນຢູ່ຂອງຊາວປະມົງແມ່ນຈຸດສຸມຂອງຍຸດທະສາດທະເລຂອງ ຫວຽດນາມ. ນີ້ແມ່ນວຽກງານທີ່ໄດ້ ແລະ ພວມປະຕິບັດ. ຂ້າພະເຈົ້າໄດ້ໄປຢ້ຽມຢາມບາງແຂວງແຄມທະເລ ແລະ ໄດ້ເຫັນວ່າຈຳນວນກ່ຳປັ່ນໄດ້ຮັບການໜູນຊ່ວຍຕໍ່ໃໝ່, ສ້ອມແປງໃນແຕ່ລະປີໄດ້ເພີ່ມຂຶ້ນໃນແຕ່ລະປີ ແຕ່ສະພາແຫ່ງຊາດ, ລັດຖະບານບໍ່ທັນອຸ່ນອ່ຽນໃຈ ແລະ ໄດ້ສະໜອງຈຳນວນເງິນນັບພັນຕື້ດົ່ງເພື່ອໜູນຊ່ວຍຊາວປະມົງຕໍ່ກຳປັ່ນໃໝ່ດ້ວຍຄ່າດອກເບ້ຍບຸລິມະສິດ. ສ່ວນກ່ຳປັ່ນທີ່ຖືກ ຈີນ ຫຼື ບັນດາປະເທດອື່ນໆກໍ່ຄວາມເສຍຫາຍລ້ວນແຕ່ໄດ້ຮັບການໜູນຊ່ວຍໃນທັນທີ. ພໍ່ແມ່ປະຊາຊົນຈະອຸ່ນອ່ຽນໃຈ, ພວກຂ້າພະເຈົ້າເອົາໃຈໃສ່ເຖິງບັນຫານີ້.”