ທ່ານປະທານປະເທດ ເຈືອງເຕີ໋ນຊາງ ພົບປະກັບຄະນະ
ຜູ້ແທນສະມາຄົມບັນດານັກຮົບປະຕິວັດຖືດສັດຕູຈັບຂັງ
(ພາບ: TTXVN)
(vovworld) – ໃນຕອນເຊົ້າວັນທີ 02/12, ຢູ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ມີການພົບປະສັງສັນກັບຄະນະຜູ້ແທນສະມາຄົມບັນດານັກຮົບປະຕິວັດຖືດສັດຕູຈັບຂັງ ເນື່ອງໃນໂອກາດກັບມານະຄອນຫລວງ ຮ່າໂນ້ຍ ເຂົ້າຮ່ວມກອງປະຊຸມຄະນະຕິດຕໍ່ສື່ສານທົ່ວປະເທດນັກຮົບປະຕິວັດຖືກສັດຕູຈັບຂັງ ແລະ ຢ້ຽມຢາມບາງປູຊະນີຍະຖານປະຫວັດສາດປະຕິວັດ. ກ່າວຄຳເຫັນທີ່ການພົບປະ, ທ່ານປະທານປະເທດ ເຈືອງເຕີ໋ນຊາງ ຢືນຢັນວ່າ: ຄຸນງາມຄວາມດີອັນໃຫຍ່ຫລວງຂອງນັກຮົບປະຕິວັດຮັກຊາດ ໄດ້ປະກອບສ່ວນເຂົ້າໃນຜົນສຳເລັດລວມຂອງປະເທດຊາດ. ທ່ານປະທານປະເທດ ເຈືອງເຕີ໋ນຊາງ ປາດຖະໜາວ່າ:
“ຂ້າພະເຈົ້າຫວັງອີກຄັ້ງໜຶ່ງວ່າ ບັນດາສະຫາຍປະກອບກຳລັງ ເພື່ອປົກປັກຮັກສາພັກ, ກໍ່ສ້າງພັກ. ສ່ວນອັນໃດ ພັກຄວນປ່ຽນໃໝ່ ຈຶ່ງປ່ຽນໃໝ່, ສ່ວນອັນໃດຖືກແລ້ວ, ມີລັກສະນະຫລັກຖານ, ຫລັກການ ແມ່ນຕ້ອງປົກປັກຮັກສາ”
ທ່ານປະທານປະເທດສະເໜີຄະນະຕິດຕໍ່ສື່ສານອະດີດນັກໂທດກປະຕິວັດສົມທົບກັບບັນດາກະຊວງ, ຂະແໜງການເປັນເສນາທິການ ເພື່ອແນໃສ່ແກ້ໄຂການຕິດຂັດ ແລະ ນຳສະເໜີກົນໄກນະໂຍບາຍໃໝ່ທີ່ເໝາສົມ ເພື່ອປະຕິບັດນະໂຍບາຍຕອບບຸນແທນຄຸນເປັນຢ່າງດີ. ທ່ານປະທານປະເທດ ເຊື່ອໝັ້ນວ່າ ບັນດາອະດີດນັກໂທດປະຕິວັດສືບຕໍ່ເສີມຂະຫຍາຍມູນເຊື້ອສະຫງ່າລາສີ, ໂດຍອີງຕາມຄວາມສາມາດຂອງຕົນ ສືບຕໍ່ປະກອບສ່ວນໃຫ້ສັງຄົມ.