ປະທານປະເທດເຈືອງເຕີນຊາງຢ້ຽມຢາມແລະເຮັດວຽກຢູ່ແຂວງລ້າງເຊີນ
ປະທານປະເທດເຈືອງເຕີນຊາງຢ້ຽມຢາມແລະເຮັດວຽກຢູ່ແຂວງລ້າງເຊີນ
(ພາບ: TTXVN)
(vovworld) – ຕອນເຊົ້າວັນທີ 16/02, ທ່ານປະທານປະເທດ ເຈືອງເຕີນຊາງ ພ້ອມກັບຄະນະປະຕິບັດງານສູນກາງ ໄດ້ລົງຢ້ຽມຢາມເປົ້າໝາຍນະໂຍບາຍ, ຊາວເຜົ່າສ່ວນໜ້ອຍ, ກຳລັງປະກອບອາວຸດເຂດຊາຍແດນໃນບໍລິເວນແຂວງລ້າງເຊີນ. ເມື່ອຢ້ຽມຢາມ ແລະ ມອບຂອງຂວັນໃຫ້ປະຊາຊົນ 3 ຕາແສງ ເໝົ້າເຊີນ, ຕູ໋ໝີກ ແລະ ອຽນຄວ໋າຍ, ຂຶ້ນກັບເມືອງຊາຍແດນໂລກບິ່ງ. ທ່ານປະທານປະເທດ ສະເໜີໃຫ້ອຳນາດການປົກຄອງທ້ອງຖິ່ນສຸມໃສ່ໜູນຊ່ວຍ ແລະ ຊອກຫາທິດທາງເໝາະສົມເພື່ອຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ປະຊາຊົນຢູ່ທີ່ນີ້.
ເມື່ອເຮັດວຽກກັບການນຳແຂວງ, ທ່ານປະທານປະເທດຖືວ່າ, ດ້ວຍທ່າແຮງແມ່ນແຂວງທີ່ມີດ່ານຊາຍແດນສາກົນ, ລ້າງເຊີນ ຕ້ອງຂຸດຄົ້ນ ແລະ ຄວບຄຸມເສດຖະກິດການຄ້າເຂດຊາຍແດນເປັນຢ່າງດີ. ດ້ວຍເນື້ອທີ່ດິນພັດທະນາກະສິກຳປ່າໄມ້ທີ່ກວ້າງໃຫຍ່, ແຂວງຕ້ອງເອົາໃຈໃສ່ດຶງດູດບັນດານັກລົງທຶນ ເພື່ອສ້າງເຂດຜະລິດເປັນສິນຄ້າໃຫຍ່ ຕິດພັນກັບການນຳໃຊ້ວິທະຍາສາດເຕັກຕິກ, ຖ້າເຮັດຄືແນວນັ້ນ ຈຶງສາມາດຄົງຕົວຢ່າງໝັ້ນຄົງໃນສະພາບເຊື່ອມໂຍງເຂົ້າກັບສາກົນໄດ້, ຜ່ານນັ້ນປະກອບສ່ວນຍົກສູງຊີວິດການເປັນຢູ່, ສ້າງຄວາມອຸ່ນອ່ຽງໃຈໃຫ້ພໍ່ແມ່ປະຊາຊົນຢູ່ເຂດຊາຍແດນ.