ປະທານປະເທດເຈືອງເຕິ໋ນຊາງສິ້ນສຸດການຢ້ຽມຢາມກູບາຢ່າງເປັນທາງການ
ທ່ານປະທານປະເທດເຈືອງເຕິ໋ນຊາງ ພົບປະ
ປະທານສະພາແຫ່ງຊັດ ແລະ ສະພາລັດຖະມົນຕີກູບາ Raul Castro
(ພາບ: baotinnhanh)
(vovworld) - ຕອນບ່າຍວັນທີ 30/9, ທ່ານປະທານປະເທດເຈືອງເຕິ໋ນຊາງ ພ້ອມກັບພັນລະຍາ ແລະ ຄະນະຜູ້ແທນຂັ້ນສູງຫວຽດນາມ ໄດ້ອອກຈາກນະຄອນຫຼວງລາຮາວານ, ສິ້ນສຸດການຢ້ຽມຢາມກູບາ ຢ່າງເປັນທາງການຕາມຄຳເຊີນຂອງທ່ານປະທານສະພາແຫ່ງລັດ ແລະ ສະພາລັດຖະມົນຕີກູບາ Raul Castro ໃນລະຫວ່າງວັນທີ 28-30/9. ກ່ອນໜ້ານັ້ນ, ກ່າວຄວາມເຫັນ ທີ່ເວທີປາໄສວິສາຫະກິດຫວຽດນາມ - ກູບາ, ໂດຍຫ້ອງການການຄ້າກູບາ ສົມທົບກັບຫ້ອງການການຄ້າ ແລະ ອຸດສາຫະກຳຫວຽດນາມ ແລະ ສະຖານທູດຫວຽດນາມ ປະຈຳກູບາ ຈັດຕັ້ງ. ທ່ານປະທານປະເທດເຈືອງເຕິ໋ນຊາງ ຖືວ່າ, ການເຄື່ອນໄຫວນີ້ປະກອບສ່ວນຊ່ວຍວິສາຫະກິດສອງປະເທດເປີດກວ້າງບັນດາກາລະໂອກາດຮ່ວມມືລົງທຶນດຳເນີນທຸລະກິດຢູ່ແຕ່ລະປະເທດ, ເຮັດໃຫ້ການພົວພັນຮ່ວມມືລະຫວ່າງສອງປະເທດມີປະສິດທິຜົນກວ່າ.
“ເວທີປາໄສວິສາຫະກິດ ເປັນການພິສູດໃຫ້ເຫັນຄວາມມານະພະຍາຍາມຂອງສອງຝ່າຍ. ຂ້າພະເຈົ້າເຊື່ອໝັ້ນວ່າ, ດ້ວຍຄວາມສະດວກກ່ຽວກັບການພົວພັນຕ່າງປະເທດຂອງກູບາ, ພ້ອມກັບການປ່ຽນແປງທີ່ສຳຄັນດ້ານນະໂຍບາຍເສດຖະກິດ, ກູບາ ຈະແມ່ນຕະຫຼາດທີ່ມີຄວາມສາມາດບົ່ມຊ້ອນໃນການດຶງດູດການລົງທຶນຕ່າງປະເທດ ແລະ ການຮ່ວມມືດ້ານເສດຖະກິດກັບສາກົນ. ແນ່ນອນວ່ານັບມື້ນັບມີຫຼາຍວິສາຫະກິດຫວຽດນາມ ເອົາໃຈໃສ່ ແລະ ປາຖະໜາຢາກສ້າງການພົວພັນຮ່ວມມືດ້ານການຄ້າ, ການລົງທຶນ ແລະ ດຳເນີນທຸລະກິດກັບບັນດາຄູ່ຮ່ວມມືກູບາ ກວ່າອີກ“.
ໃນວັນດຽວກັນ, ທ່ານປະທານປະເທດ ເຈືອງເຕິ໋ນຊາງ ໄດ້ໄປຢ້ຽມຢາມໂຮງຮຽນທີ່ໃສ່ຊື່ປະທານ ໂຮ່ຈິມິນ ຢູ່ລາຮາວານ ແລະ ຢ້ຽມຢາມໂຄງການຜະລິດເຂົ້າຢູ່ແຂວງ Calimete.