(vovworld) – ຢູ່ນອກກອງປະຊຸມ APEC 23, ເຊິ່ງດຳເນີນຢູ່ມານິລາ, ຟິລິບປີນ, ວັນທີ 19/11, ທ່ານປະທານປະເທດ ເຈືອງເຕີນຊາງ ໄດ້ມີການພົບປະກັບການນຳບາງປະເທດເຂົ້າຮ່ວມກອງປະຊຸມ.
ທີ່ການພົບປະກັບທ່ານນາຍົກລັດຖະມົນຕີການາດາ Justin Trudeau, ທ່ານປະທານປະເທດ ເຈືອງເຕີນຊາງ ຢືນຢັນວ່າ, ຫວຽດນາມ ຖືເປັນສຳຄັນການພົວພັນກັບການາດາ ແລະ ສະເໜີໃຫ້ 2 ຝ່າຍມີບັນດາມາດຕະການເພື່ອຊຸກຍູ້ການຮ່ວມມື 2 ຝ່າຍ, ຜັນຂະຫຍາຍບັນດາຂໍ້ຕົກລົງລະຫວ່າງ 2 ປະເທດຢ່າງມີປະສິດທິຜົນ. ທ່ານນາຍົກລັດຖະມົນຕີ ການາດາ ເນັ້ນໜັກວ່າ ຫວຽດນາມ ແມ່ນຄູ່ຮ່ວມມືເສດຖະກິດ, ການຄ້າທີ່ນັບມື້ນັບສຳຄັນຂອງການາດາ ແລະ ຊີ້ແຈ້ງວ່າ, ລັດຖະບານໃໝ່ຂອງການາດາ ປາດຖະໜາຢາກສ້າງກຳລັງໜູນຢ່າງແຮງ ເພື່ອເຮັດໃຫ້ການພົວພັນຮ່ວມມືກັບຫວຽດນາມ ໃນບັນດາຂົງເຂດເສດຖະກິດ, ການຄ້າ, ການລົງທຶນ, ການເມືອງ…ເລິກເຊິງກວ່າອີກ
ທີ່ການຕ້ອນຮັບທ່ານນາຍົກລັດຖະມົນຕີປະເທດເອກະລາດ Papua New Guinea, Peter O’Neill, ທ່ານປະທານປະເທດ ເຈືອງເຕີນຊາງ ຖືວ່າ, ເພື່ອຊຸກຍູ້ການພົວພັນ 2 ຝ່າຍ, 2 ຝ່າຍໄດ້ເຫັນດີຄວນເຈລະຈາ, ລົງນາມໃນບັນດາຂໍ້ຕົກລົງຮ່ວມມືໂດຍໄວ, ສົ່ງເສີມການຄ້າ, ການລົງທຶນໃນບັນດາຂົງເຂດເຊິ່ງ 2 ຝ່າຍມີທ່າແຮງ. ທ່ານນາຍົກລັດຖະມົນຕີ Peter O’Neill ເຫັນດີເປັນເອກະພາບວ່າ 2 ຝ່າຍຕ້ອງສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສຫຼາຍຝ່າຍຕ່າງໆ, ໂດຍສະເພາະແມ່ນໃນປີ 2017 ແລະ 2018 ເມື່ອຫວຽດນາມ ແລະ Papua New Guinea ເປັນປະທານ APEC ຕາມລຳດັບ.
ເມື່ອແລກປ່ຽນກັບພະບາດສົມເດັດບຣຸໄນ Hassanal Bolkiah, ທ່ານປະທານປະເທດ ເຈືອງເຕິີນຊາງ ເຫັນດີໂດຍຖືວ່າ, 2 ປະເທດຕ້ອງສົມທົບກັນຍູ້ແຮງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນ, ໃນນັ້ນມີຂົງເຂດນ້ຳມັນອາຍແກັດ. ພະບາດສົມເດັດບຣຸໄນ ໄດ້ຕີລາຄາສູງການພັດທະນາເສດຖະກິດສັງຄົມຂອງຫວຽດນາມ ຫວ່າງມໍ່ໆມານີ້ ແລະ ປາດຖະໜາຢາກມາຢ້ຽມຢາມຫວຽດນາມ ໃນໄວ້ໆນີ້ເພື່ອຊຸກຍູ້ການພົວພັນລະຫວ່າງ 2 ປະເທດ.
ທີ່ການພົບປະລະຫວ່າງທ່ານປະທານປະເທດ ເຈືອງເຕີນຊາງ ແລະ ທ່ານນາງປະທານາທິດບໍດີສ.ເກົາຫຼີ Park Geun – hye, ການນຳ 2 ທ່ານໄດ້ເຫັນດີສ້າງບັນດາລະບຽບການພາຍໃນໃຫ້ສຳເລັດໂດຍໄວ ເພື່ອໃຫ້ FTA ຫວຽດນາມ - ສ.ເກົາຫຼີ ປະຕິບັດໂດຍໄວ, ປະກອບສ່ວນຍົກສູງວົງເງິນການຄ້າ 2 ສົ້ນ.
ແລະກໍໃນວັນດຽວກັນ, ທ່ານປະທານປະເທດ ເຈືອງເຕີນຊາງ ແລະ ທ່ານປະທານາທິບໍດີ ຈີເລ M.Bachelet ໄດ້ເຫັນດີສືບຕໍ່ຮັກສາ ແລະ ເພີ່ມທະວີບັນດາກົນໄກຮ່ວມມື 2 ຝ່າຍຢ່າງມີປະສິດທິຜົນ ແລະ ແລກປ່ຽນຄະນະຜູ້ແທນທຸກຂັ້ນ. ທ່ານປະທານາທິບໍດີ ຈີເລ M.Bachelet ຢືນຢັນວ່າ, ຈີເລ ສະໜັບສະໜູນ ແລະ ພ້ອມແລ້ວທີ່ຈະສົມທົບກັບຫວຽດນາມ ເພື່ອຈັດຕັ້ງ APEC 2017 ໃຫ້ສຳເລດໂດບພື້ນຖານ.
ທີ່ການພົບປະກັບທ່ານນາຍົກລັດຖະມົນຕີອົດສະຕາລີ Malcolm Turnbull, ທ່ານປະທານປະເທດເຈືອງເຕີນຊາງ ເຫັນດີຊຸກຍູ້ການພົວພັນຄູ່ຮ່ວມມືຮອບດ້ານ ແລະ ເພີ່ມທະວີການສົມທົບກັນບົນບັນດາເວທີປາໄສຫຼາຍຝ່າຍຢ່າງມີປະສິດທິຜົນ, ໂດຍສະເພາະແມານບັນດາເວທີປາໄສອາຊຽນ.
ທີ່ການພົບປະໃນວັນທີ 19/11, ທ່ານປະທານປະເທດ ເຈືອງເຕີນຊາງ ແລະ ທ່ານຮອງປະທານາທິບໍດີອິນໂດເນເຊຍ Jussf Kalla ເຫັນດີຮັກສາການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນເພື່ອຍູ້ແຮງການພົວພັນຄູ່ຮ່ວມມືຍຸດທະສາດກວ່າອີກ. ທ່ານຮອງປະທານາທິບໍດີອິນໂດເນເຊຍ Jussf Kalla ປາດຖະໜາຢາກສືບຕໍ່ຮ່ວມມືນຳເຂົ້າ ເຂົ້າສານຈາກຫວຽດນາມ.
ແລະກໍໃນວັນດຽກັນ, ທີ່ການພົບປະກັບທ່ານປະທານທິບໍດີອາເມລິກາ Barack Obama, ທ່ານປະທານປະເທດ ເຈືອງເຕີນຊາງ ແລະ ທ່ານປະທານາທິບໍດີ Barack Obama ໄດ້ສະແດງຄວາມເບີກບານມ່ວນຊື່ນຕໍ່ບັນດາບາດກ້າວພັດທະນາຂອງການພົບພັນລະຫວ່າງຫວຽດນາມ - ອາເມລິກາ ພາຍຫຼັງ 20 ປີແຫ່ງການສ້າງຕັ້ງສາຍພົວພັນທາງການທູດ ແລະ ເຫັນດີນຳກັນຈະສືບຕໍ່ຊຸກຍູ້ການພົວພັນຄູ່ຮ່ວມມືຮອບດ້ານໃນໄລຍະຈະມາເຖິງ.
ເນື່ອງໃນໂອກາດເຂົ້າຮ່ວມສັບປະດາຂັ້ນສູງ APEC 23 ຢູ່ຟິລິບປີນ, ວັນທີ 19/11, ທ່ານປະທານປະເທດ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງຫວຽດນາມ ໄດ້ໄປຢ້ຽມຢາມ ແລະ ໂອ້ລົມກັບພະນັກງານ, ພາລະກອນສະຖານທູດຫວຽດນາມ ປະຈຳຟີລິບປີນ. ຕອນຄໍ່າ, ຄະນະຜູ້ແທນໄດ້ເດີນທາງອອກຈາກນະຄອນຫຼວງ ມານີລາ, ປະເທດຟິລິບປີນ ສິ້ນສຸດການຢ້ຽມຢາມ ແລະ ເຂົ້າຮ່ວມກອງປະຊຸມບັນດາການນຳເວທີປາໄສຮ່ວມມືເສດຖະກິດອາຊີ - ປາຊີຟິກ ຢ່າງດີງາມ.