ປະທານປະເທດເຈືອງເຕີນຊາງເຂົ້າຮ່ວມກອງປະຊຸມຕຳຫຼວດທົ່ວປະເທດຄັ້ງທີ70
(ພາບ: cadn.com.vn)
|
(vovworld) – ວັນທີ 30/12, ກອງປະຊຸມຕຳຫຼວດທົ່ວປະເທດຄັ້ງທີ 70 ໄຂຂຶ້ນຢູ່ຮ່າໂນ້ຍ ເພື່ອແນໃສ່ສະຫລຸບ 30 ປີແຫ່ງການປ່ຽນໃໝ່ວຽກງານຕຳຫຼວດ ແລະ ປຶກສາຫາລື ບາງຫົວຂໍ້ກ່ຽວກັບວຽກງານປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍໃນສະພາບການໃໝ່.
ກ່າວຄຳເຫັນຊີ້ນຳກອງປະຊຸມ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ໃນປີຜ່ານມາ, ກຳລັງຕຳຫຼວດປະຊາຊົນມີຄວາມມານະພະຍາຍາມ, ປະຕິບັດພາລະໜ້າທີ່ເປັນເສນາທິການໃຫ້ແກ່ພັກ, ລັດ ປະກາດໃຊ້ຫຼາຍແຜນນະໂຍບາຍ, ນະໂຍບາຍ, ກົດໝາຍໃນຂົງເຂດປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ກໍ່ສ້າງກຳລັງ, ປະກອບສ່ວນປ່ຽນໃໝ່ ແລະ ປະຕິບັດສຳເລັດບັນດາແຜນນະໂຍບາຍ, ນະໂຍບາຍເໝາະສົມກັບສະພາບການຕົວຈິງເປັນຢ່າງດີ. ທ່ານປະທານປະເທດຊີ້ແຈ້ງວ່າ: ໃນປີ 2015, ຈຸດໝາຍຕົ້ນຕໍທີ່ວາງອອກໃຫ້ກຳລັງຕຳຫຼວດປະຊາຊົນນັ້ນແມ່ນໃນທຸກໆສະພາບການຕ້ອງອີງໃສ່ກຳລັງແຮງສັງລວມຂອງທັງລະບົບການເມືອງ, ຂອງທົ່ວປວງຊົນ, ທົ່ວກອງທັບ, ອີງໃສ່ປະຊາຊົນ, ຍົກສູງວິຊາຊີບ, ປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນ, ທະເລ, ໝູ່ເກາະຂອງປະເທດຊາດ, ປົກປັກຮັກສາພັກ, ລັດ, ປະຊາຊົນ ແລະ ລະບອບສັງຄົມນິຍົມ, ປົກປັກຮັກສາພາລະກິດປ່ຽນໃໝ່, ຫັນປະເທດຊາດເປັນປະເທດອຸດສາຫະກຳ, ທັນສະໄໝ.
ທ່ານປະທານປະເທດ ສະເໜີໃຫ້ຂະແໜງຕຳຫຼວດປະຕິບັດວຽກງານຈຸດສຸມ, ຜ່ານຜ່າທຸກໆຄວາມຫຍຸ້ງຍາກ, ການທ້າທາຍ, ປະຕິບັດສຳເລັດທຸກໆໜ້າທີ່ເຊິ່ງພັກ, ລັດ ແລະ ປະຊາຊົນພວມຕັ້ງຄວາມຫວັງ, ມອບໝາຍໃຫ້.