ປະທານປະເທດເຈືອງເຕີນຊາງເຂົ້າຮ່ວມພິທີມອບງົວພັນໃຫ້ຄົນທຸກຍາກ
(ພາບ: tuoitre.vn)
(vovworld) – ກ່າວຄຳເຫັນທີ່ພິທີມອບງົວພັນໃຫ້ຄົນທຸກຍາກຕາແສງເຂດຊາຍແດນ ແທງລ່ວາ ແລະ ບ໋າວເລີມ, ແຂວງ ລ້າງເຊີນໃນຕອນເຊົ້າວັນທີ 14/8, ທ່ານປະທານປະເທດ ເຈືອງເຕີນຊາງ ຢືນຢັນວ່າ: ໄລຍະຜ່ານມາ ພັກ ແລະ ລັດໄດ້ເອົາໃຈໃສ່ຜັນຂະຫຍາຍຫຼາຍໂຄງການລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກ. ໃນສະພາບການນັ້ນ, ໂຄງການ “ງົວພັນຊ່ວຍຄົນທຸກຍາກເຂດຊາຍແດນ” ແມ່ນຂໍ້ລິເລີ່ມທີ່ດີ, ທັງໜູນຊ່ວຍບັນດາຄອບຄົວທຸກຍາກມີທຶນໃນເບື້ອງຕົ້ນເພື່ອພັດທະນາເສດຖະກິດ, ທັງແນະນຳເຕັກໂນໂລຢີຂໍ້ມູນຂ່າວສານຢູ່ບັນດາແຂວງເຂດຊາຍແດນ. ທ່ານປະທານປະເທດເນັ້ນໜັກວ່າ: ປະຊາຊົນບັນດາເຜົ່າສ່ວນໜ້ອຍຢູ່ເຂດຊາຍແດນແມ່ນບັນດາຜູ້ຕັ້ງໜ້າປົກປັກຮັກສາອະທິປະໄຕຂອງປະເທດຊາດໂດຍກົງ, ປະກອບສ່ວນກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ພັດທະນາ. ດັ່ງນັ້ນ, ບັນດາກະຊວງ, ຂະແໜງການ, ທ້ອງຖີ່ນ, ບັນດາໝູ່ຄະນະຄວນສືບຕໍ່ປະຕິບັດແຜນນະໂຍບາຍ, ແນວທາງຂອງພັກ, ລັດ ຊ່ວຍພໍ່ແມ່ປະຊາຊົນເຂດຊາຍແດນລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກ. ບັນດາອົງການກ່ຽວຂ້ອງຄວນເພີ່ມທະວີການໂຄສະນາເພື່ອໃຫ້ພະນັກງານ, ນັກຮົບ, ປະຊາຊົນຕັ້ງໜ້າເຂົ້າຮ່ວມໂຄງການ, ໜູນຊ່ວຍດ້ານສັດຕະວະແພດ, ນຳໃຊ້ເຕັດໂນໂລຢີເພື່ອແບ່ງປັນຄວາມຫຍຸ້ງຍາກກັບປະຊາຊົນຜູ້ທຸກຍາກເຂດຊາຍແດນ.
ແລະກໍ່ໃນວັນດຽວກັນ, ທ່ານປະທານປະເທດ ໄດ້ລົງຢ້ຽມຢາມ ແລະ ມອບຂອງຂວັນໃຫ້ພະນັກງານ, ນັກຮົບປ້ອງກັນຊາຍແດນ ແທງລ່ວາ, ເມືອງ ກາວໂລກ, ແຂວງ ລ້າງເຊີນ.