ປະທານປະເທດເຈືອງເຕີນຊາງເຂົ້າຮ່ວມພິທີສະເຫຼີມສະຫຼອງ40ປີ
ແຫ່ງວັນສ້າງຕັ້ງກຳລັງຊາວໜຸ່ມຕະລຸມບອນນະຄອນໂຮ່ຈີມິນ |
(vovworld) – ຕອນຄຳ່ວັນທີ 27/3, ຢູ່ນະຄອນ ໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 40 ປີແຫ່ງວັນສ້າງຕັ້ງ ແລະ ພັດທະນາກຳລັງຊາວໜຸ່ມຕະລຸມບອນນະຄອນ ໂຮ່ຈີມິນ. ເຂົ້າຮ່ວມພິທີສະເຫຼີມສະຫຼອງ ມີທ່ານ ເຈືອງເຕີນຊາງ, ປະທານປະເທດ, ທ່ານ ດິງລາທັງ, ເລຂາຄະນະພັກນະຄອນ ໂຮ່ຈີມິນ, ການນຳບັນດາກະຊວງ, ຂະແໜງການສູນກາງ, ນະຄອນ ໂຮ່ຈີມິນ, ບັນດາພະນັກງານຜູ້ອາວຸໂສ, ຜູ້ຕາງໜ້າສູນກາງສະມາຄົມອະດີດຊາວໜຸ່ມຕະລຸມບອນ, ພ້ອມກັບຊາວໜຸ່ມຕະລຸມບອນ ແລະ ສະມາຊິກຊາວໜຸ່ມນະຄອນ 2.000 ຄົນ.
ກ່າວຄຳເຫັນນະທີ່ນີ້, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ເນັ້ນໜັກວ່າ: ຜ່ານ 40 ປີແຫ່ງການສ້າງຕັ້ງ ແລະ ພັດທະນາ, ກຳລັງຊາວໜຸ່ມຕະລຸມບອນນະຄອນ ໂຮ່ຈີມິນ ຍາມໃດກໍສະແດງໃຫ້ເຫັນວ່ານີ້ແມ່ນອົງການເສດຖະກິດ - ສັງຄົມພິເສດສະເພາະ, ມີບົດບາດການເມືອງສຳຄັນ, ປະຈັນບານປະຕິບັດບັນດາໜ້າທີ່ພິເສດສະເພາະໂດຍນະຄອນມອບໝາຍໃຫ້, ພ້ອມກັບນະຄອນແກ້ໄຂບັນດາບັນຫາຂອງປະຊາຊົນ. ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ, ສະເໜີວ່າ: ໃນໄລຍະຈະມາເຖິງ, ກຳລັງຊາວໜຸ່ມຕະລຸມບອນຕ້ອງມີການເຄື່ອນໄຫວຫຼາຍຮູບຫຼາຍແບບກ່ວາ, ກຽມພ້ອມຮັບບັນດາໜ້າທີ່ໃໝ່.
ທ່ານ ເຈີ່ນຟູ໋ລື້, ຫົວໜ້າຜູ້ບັນຊາການກຳລັງຊາວໜຸ່ມຕະລຸມບອນນະຄອນ ໂຮ່ຈີມິນ, ໃຫ້ຮູ້ວ່າ:
“ໄລຍະຈະມາເຖິງ, ກຳລັງຊາວໜຸ່ມຕະລຸມບອນນະຄອນຈະຄົ້ນຄ້ວາ, ສະເໜີຕໍ່ນະຄອນໃຫ້ເຂົ້າຮ່ວມປະຕິບັດບັນດາລາຍການບຸກທະລຸຕິດພັນກັບການສ້າງແບບແຜນດຳລົງຊີວິດສິວິໄລ, ສ້າງຄວາມສວຍງາມ, ປົກປັກຮັກສາສິ່ງແວດລ້ອມໃຫ້ນະຄອນ. ພິເສດ, ໃນວຽກງານສົມທົບກັນເພື່ອຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມ, ພວກຂ້າພະເຈົ້າຈະຊຸກຍູ້ການຄົ້ນຄ້ວາສ້າງຕັ້ງບັນດາຖັນແຖວຊາວໜຸ່ມຕະລຸມບອນຢູ່ບັນດາເມືອງຈຸດສຸມເພື່ອສົມທົບກັນກັບກຳລັງອື່ນໆໃນໄລຍະຈະມາເຖິງ.”