ທ່ານປະທານປະເທດ ເຈືອງເຕີນຊາງ
(ພາບປະກອບ)
|
(vovworld) – ວັນທີ 7/5, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ນຳໜ້າຄະນະຜູ້ແທນ ຂັ້ນສູງ ຫວຽດນາມ ເດີນທາງອອກຈາກ ຮ່າໂນ້ຍ, ເຂົ້າຮ່ວມພິທີສະເຫຼີມສະຫຼອງ 70 ປີແຫ່ງໄຊຊະນະປົກປັກຮັກສາປະເທດຊາດທີ່ຍິ່ງໃຫຍ່ຢູ່ ລັດເຊຍ (ແຕ່ວັນທີ 7 – 10/5/2015), ຢ້ຽມຢາມທາງລັດຖະກິດ ສ. ເຊັກໂກ (ແຕ່ວັນທີ 10 – 13/5/2015) ແລະ ຢ້ຽມຢາມ ສ. ອາແຊກໄບຢານ (ແຕ່ວັນທີ 13 – 15/5/2015) ຢ່າງເປັນທາງການຕາມຄຳເຊື້ອເຊີນຂອງທ່ານປະທານາທິບໍດີ ລັດເຊຍ Vladimir Putin, ທ່ານປະທານາທິບໍດີ ສ. ເຊັກໂກ Milos Zeman ແລະ ທ່ານ ປະທານາທິບໍດີ ສ. ອາແຊກໄບຢານ Ilham Aliev.
ຄະນະຜູ້ແທນ ຫວຽດນາມ ເຂົ້າຮ່ວມການຢ້ຽມຢາມຄັ້ງນີ້ລວມມີ: ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບີ່ງມິງ, ຫົວໜ້າຫ້ອງວ່າການປະທານປະເທດ ດ່າວວຽດຈູງ, ທ່ານລັດຖະມົນຕີວ່າການກະຊວງວັດທະນະທຳ, ກິລາ ແລະ ທ່ອງທ່ຽວ ຮ່ວາງແອງຕ໋ວນ, ຜູ້ອຳນວຍການໃຫຍ່ສຳນັກຂ່າວສານ ຫວຽດນາມ ຫງວຽນດືກເລີ້ຍ, ທ່ານເອກອັກຄະລັດຖະທູດ ຫວຽດນາມ ປະຈຳສະຫະພັນ ລັດເຊຍ ຫງວຽນແທງເຊີນ, ທ່ານເອກອັກຄະລັດຖະທູດ ຫວຽດນາມ ປະຈຳ ເຊັກໂກ ເຈືອງແມ້ງເຊີນ, ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ເລຮ່ວາງກວນ, ທ່ານລັດຖະມົນຕີຊ່ວຍວ່າການກະຊວງປ້ອງກັນປະເທດ ເຈືອງກວາງແຄ໋ງ, ທ່ານລັດຖະມົນຕີຊ່ວຍວ່າການກະຊວງຕຳຫຼວດ ບຸ່ຍວັນນາມ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ບຸ່ຍແທງເຊີນ, ທ່ານລັດຖະມົນຕີຊ່ວຍວ່າການກະຊວງອຸດສາຫະກຳ - ການຄ້າ ຮ່ວາງກວກເວື້ອງ.