(ທ່ານປະທານປະເທດ ຫວຽດນາມ ເຈືອງເຕີ໋ນຊາງ
ເຮັດວຽກກັບຄະນະຊີ້ນຳເຂດຕາເວັນຕົກສ່ຽງໃຕ້)
(vovworld) – ຕອນບ່າຍວັນທີ 2/12, ຢູ່ນະຄອນ ເກີ່ນເທີ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ເຮັດວຽກກັບຄະນະຊີ້ນຳເຂດຕາເວັນຕົກສ່ຽງໃຕ້ ກ່ຽວກັບສະພາບການພັດທະນາເສດຖະກິດສັງຄົມ ແລະ ຮັບປະກັນປ້ອງກັນຊາດປ້ອງກັນຄວາມສະຫງົບໃນບໍລິເວນເຂດແຕ່ຕົ້ນປີມາຮອດປະຈຸບັນ. ສະຫລຸບການເຮັດວຽກ, ທ່ານປະທານປະເທດ ເຈືອງເຕີ໋ນຊາງ ຖືວ່າ: ເຂດທົ່່ງພຽງແມ່ນ້ຳຂອງແມ່ນເຂດຈຸດສຸມໃຫຍ່ກ່ຽວກັບເສດຖະກິດກະສິກຳ. ຄະນະຊີ້ນຳພ້ອມກັບບັນດາກະຊວງ ຂະແໜງການ ຄວນສຸມກຳລັງເພື່ອຂຸດຄົ້ນທ່າແຮງຂອງພາກພື້ນ ພິເສດແມ່ນກະສິກຳ ແລະ ສິນໃນນ້ຳ. ໃນນັ້ນ ຕ້ອງສ້າງໂຄງປະກອບຜົນລະປູກ, ສັດລ້ຽງຄືນໃໝ່, ຫັນປ່ຽນ ແລະ ຂະຫຍາຍບັນດາຮູບແບບ ທີ່ນຳມາເຊິ່ງປະສິດທິຜົນໃນໄລຍະຜ່ານມາ, ພ້ອມທັງ ໜູນໃຊ້ວິທະຍາສາດ ເຕັກໂນໂລຢີເຂົ້າໃນການຜະລິດ ເພື່ອເພີ່ມສະມັດຕະພາບ, ຄຸນນະພາບ, ທີ່ມີຄວາມສາມາດແກ່ງແຍ້ງສູງ.