ປະທານປະເທດເຈືອງເຕີນຊາງເຮັດວຽກກັບໂຮງຮຽນພະນັກງານ
ສານ
(ພາບ: vovgiaothong.vn)
|
(vovworld) – ຕອນເຊົ້າວັນທີ 19/3, ທ່ານປະທານປະເທດ ເຈືອງເຕີນຊາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ, ໄດ້ລົງຢ້ຽມຢາມ ແລະ ເຮັດວຽກກັບໂຮງຮຽນພະນັກງານສານ. ຮັບຮູ້ບັນດາຄຳເຫັນປະກອບຂອງບັນດາຜູ້ແທນ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ບໍ່ມີຖັນແຖວຜູ້ພິພາກສາ ແລະ ບັນດາຕຳແໜ່ງອື່ນໆທີ່ດີຂອງສານ ຈະບໍ່ມີພື້ນຖານຍຸຕິທຳທີ່ດີ. ທ່ານປະທານປະເທດ ເຈືອງເຕີນຊາງ ສະເໜີຂະແໜງສານຕ້ອງສ້າງການຫັນປ່ຽນໂດຍພື້ນຖານກ່ຽວກັບຄຸນນະພາບ, ປະສິດທິຜົນວຽກງານບຳລຸງສ້າງ, ແກ້ໄຂບັນດາການຂາດແຄນກ່ຽວກັບຄຸນນະພາບ ແລະ ປະລິມານແຫຼ່ງຊັບພະຍາກອນມະນຸດ, ບັນດາຕຳແໜ່ງໃນລະບົບສານຢ່າງຮີບດ່ວນ. ເພື່ອຕອບສະໜອງບັນດາຄວາມຮ້ອງຕ້ອງການຂອງຍຸດທະສາດປະຕິຮູບຕຸລາການໃນໄລຍະໃໝ່, ທ່ານປະທານປະເທດ ໃສ່ໃຈໂຮງຮຽນພະນັກງານສານຕ້ອງປະຕິບັດສຳເລັດຫຼັກສູດການສອນເໝາະສົມກັບຊີວິດຕົວຈິງ, ພ້ອມທັງສົ່ງເສີມການຮຽບຮຽງແຜນຮ່າງສ້າງຕັ້ງວິທະຍາຄານສານຢ່າງຮີບດ່ວນ, ນີ້ຈະແມ່ນຮາກຖານສຶກສາຂັ້ນມະຫາວິທະຍາໄລ, ປະຕິບັດທັງພາລະໜ້າທີ່ຝຶກອົບຮົມວິຊາການເປັນປະຈຳ, ທັງໜ້າທີ່ບຳລຸງສ້າງວິຊາຊີບໃຫ້ແກ່ບັນດາຕຳແໜ່ງໃນສານ, ພາລະໜ້າທີ່ບຳລຸງສ້າງຂັ້ນມະຫາວິທະຍາໄລ ແລະ ເໜືອມະຫາວິທະຍາໄລໃຫ້ແກ່ຂະແໜງສານ.