ທ່ານປະທານປະເທດເຈືອງເຕິ໋ນຊາງເຮັດວຽກກັບບັນດາຫົວໜ່ວຍຢູ່ທ່າຫາປາກວີເຍີນ
(ພາບ: ອິນເຕີແນດ)
(vovworld) - ຕອນເຊົ້າວັນທີ 31/10, ຢູ່ທ່າຫາປາ ກຸຍເຍີນ, ດຳເນີນພິທີມອບ-ຮັບເຕັກໂນໂລຢີ ແລະ ອຸປະກອນຫາປາທູນາມະຫາສະໝຸດຂອງຍີ່ປຸ່ນ ໃຫ້ຊາວປະມົງບິ່ງດິ້ງ. ນີ້ແມ່ນການມອບ-ຮັບທຳອິດໃນໂຄງການ ມອບ-ຮັບເຕັກໂນໂລຢີ ແລະ ອຸປະກອນຫາປາທູນາມະຫາສະໝຸດຂອງຍີ່ປຸ່ນ ໃຫ້ຊາວປະມົງ ໂດຍຄະນະກຳມະການປະຊາຊົນແຂວງບິ່ງດິ້ງ ແລະ ອົງການຮ່ວມມືສາກົນຍີ່ປຸ່ນ (JICA), ສະມາຄົມມິດຕະພາບຍີ່ປຸ່ນ - ຫວຽດນາມ ຢູ່ Sakai ຈັດຕັ້ງ.
ທີ່ພິທີ, ທ່ານປະທານປະເທດ ເຈືອງເຕິ໋ນຊາງ ພ້ອມກັບການນຳກະຊວງກະສິກຳ ແລະ ພັດທະນາຊົນນະບົດ, ແຂວງບິ່ງດິ້ງ ພ້ອມກັບບັນດາຊາວປະມົງໄດ້ເປັນສັກຂີພິຍານພິທີລົງນາມໃນບົດບັນທຶກມອບ-ຮັບເຕັກໂນໂລຢີ ແລະ ອຸປະກອນຫາປາທູນາມະຫາສະໝຸດຂອງຍີ່ປຸ່ນ ແລະ ທຶນຍົກລະດັບຫ້ອງຄຸ້ມຄອງຮັກສາຂອງຄະນະກຳມະການປະຊາຊົນແຂວງບິ່ງດິ້ງໃຫ້ຊາວປະມົງ, ບົດບັນທຶກການຮ່ວມມືລະຫວ່າງມະຫາວິທະຍາໄລຍີ່ປຸ່ນ Kagoshima ແລະ ແຂວງ ບິ່ງດິ້ງ ໃນການຄົ້ນຄ້ວາຄວາມສາມາດບົ່ມຊ້ອນດ້ານສິນໃນນຳ້. ທ່ານປະທານປະເທດ ເຈືອງເຕິ໋ນຊາງ ກໍ່ມອບຂອງຂວັນໃຫ້ຊາວປະມົງເຂົ້າຮ່ວມລາຍການ ແລະ ມີການປະກອບສ່ວນຢ່າງຫຼວງຫຼາຍໃນການຕິດຕາມທະເລ, ປົກປັກຮັກສາອະທິປະໄຕແຫ່ງຊາດ.