ປະທານປະເທດ ເຈືອງເຕີນຊາງ
(ພາບປະກອບ)
|
(vovworld) – ຕອນເຊົ້າວັນທີ 17/1, ກຳມະການກົມການເມືອງ, ປະທານປະເທດ ເຈືອງເຕີນຊາງ ແລະ ຄະນະປະຕິບັດງານສູນກາງໄດ້ເຮັດວຽກຢູ່ແຂວງ ເຊີນລາ ກ່ຽວກັບສະພາບການປະຕິບັດມະຕິກອງປະຊຸມໃຫຍ່ພັກກອມມູນິດ ຫວຽດນາມ ຄັ້ງທີ 11 ແລະ ສະພາບການປະຕິບັດເສດຖະກິດ - ສັງຄົມ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບໃນບໍລິເວນແຂວງ. ທີ່ການເຮັດວຽກກັບການນຳຫຼັກແຫຼ່ງແຂວງ, ທ່ານປະທານປະເທດ ຕີລາຄາສູງບັນດາການຫັນປ່ຽນຕັ້ງໜ້າຂອງແຂວງໃນໄລຍະຜ່ານມາ, ພ້ອມທັງຖືວ່າ ເຊີນລາ ຄວນເສີມຂະຫຍາຍທ່າແຮງແມ່ນກະສິກຳ, ເຄື່ອງປ່າຂອງດົງ, ສຸມໃສ່ລົງທຶນພັດທະນາພື້ນຖານໂຄງລ່າງ, ພິເສດແມ່ນຢູ່ບັນດາເຂດປະສົບກັບຄວາມຫຍຸ້ງຍາກ, ເພື່ອຊຸກຍູ້ການພັດທະນາ. ທ່ານປະທານປະເທດ ເຈືອງເຕີນຊາງ ໃສ່ໃຈວ່າ: ເລື່ອງລົງທຶນຕ້ອງມີຈຸດສຸມ, ຫຼີກລ້ຽງການລົງທຶນແບບກະແຈກກະຈາຍ, ບໍ່ມີປະສິດທິຜົນ.
ກ່ອນໜ້ານັ້ນ, ໃນຕອນບ່າຍວັນທີ 16/1, ທ່ານປະທານປະເທດ ເຈືອງເຕີນຊາງ ໄດ້ຊອກຮູ້ຊີວິດການເປັນຢູ່ຂອງພໍ່ແມ່ນປະຊາຊົນ ແລະ ສຳຫຼວດເສັ້ນທາງຊາຍແດນຢູ່ເມືອງ ຊົງໝ້າ ແລະ ໂຊບກົບ. ເນື່ອງໃນໂອກາດນີ້, ທ່ານປະທານປະເທດ ໄດ້ມອບຂອງຂວັນ 100 ພູດໃຫ້ພໍ່ແມ່ປະຊາຊົນຕາແສງຊາຍແດນ ເມື່ອງລ້າງ, ເມືອງ ໂຊບກົບ.