ປະທານປະເທດເຮັດວຽກກັບບັນດາອົງການສືບສວນຂຶ້ນກັບກະຊວງຕຳຫລວດ,ກະຊວງປ້ອງກັນປະເທດ
ທ່ານປະທານປະເທດ ຫວຽດນາມ ເຈີ່ນດ້າຍກວາງ
ເຮັດວຽກກັບບັນດາອົງການສືບສວນທີ່ຂຶ້ນກັບກະຊວງຕຳຫລວດ
(ພາບ: TTXVN)
(vovworld) – ຕອນບ່າຍວັນທີ 10/11 ຢູ່ ຮ່າໂນ້ຍ ທ່ານປະທານປະເທດ ຫວຽດນາມ ເຈີ່ນດ້າຍກວາງ ທີ່ເຮັດວຽກກັບບັນດາອົງການສືບສວນທີ່ຂຶ້ນກັບກະຊວງຕຳຫລວດ, ກະຊວງປ້ອງກັນປະເທດ ແລະ ອົງການໄອຍະການປະຊາຊົນສູງສຸດ ກ່ຽວກັບສະພາບການ, ການຈັດຕັ້ງເຄື່ອນໄຫວ, ວຽກງານການສົມທົບກັນລະຫວ່າງບັນດາອົງການ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈີ່ນດ້າຍກວາງ ຕີລາຄາສູງ ແລະ ຍ້ອງຍໍບັນດາໝາກຜົນ, ຜົນງານ ເຊິ່ງບັນດາອົງການສືບສວນບັນລຸໄດ້ໃນໄລຍະຜ່ານມາ. ທ່ານປະທານປະເທດ ເຈີ່ນດ້າຍກວາງ ສະເໜີວ່າ ບັນດາອົງການສືບສວນສືບຕໍ່ຊາບຊຶມ, ປະຕິບັດບັນດາແຜນນະໂຍບາຍ, ແນວທາງຂອງພັກ, ລັດ ກ່ຽວກັບຂົງເຂດນິຕິກຳຢ່າງມີປະສິດທິຜົນ, ພ້ອມທັງສຸມໃສ່ບູລະນະການຈັດຕັ້ງກົງຈັກລັດ, ຍົກສູງຄຸນນະພາບຖັນແຖວນັກສືບສວນ, ເພີ່ມທະວີລະບອບກົດໝາຍສັງຄົມນິຍົມ, ສືບສວນ ສອບສວນ, ຕິດຕາມກວດກາ, ສັ່ງຟ້ອງໃຫ້ຊັດເຈນ, ພາວະວິໄສຖືກຄົນ ຖືກໂທດ ຖືກກົກດໝາຍ, ທ່ານປະທານປະເທດສະເໜີບັນດາອົງການສືບສວນ ຄວນເອົາໃຈໃສ່ເປັນພິເສດເຖິງວຽກງານກໍ່ສ້າງ, ບຳລຸງສ້າງ, ຍົກສູງລະດັບຄວາມຮູ້ດ້ານວິຊາການ, ກົດໝາຍ, ຍົກສູງຈິດໃຈຄວາມຮັບຜິດຊອບຂອງຖັນແຖວນັກສືບສວນ. ພິເສດ ໃນສະພາບການ ອາດຊະຍາກຳນຳໃຊ້ເຕັກໂນໂລຢີສູງນັບມື້ນັບຜັນແປຢ່າງສັບສົນ, ຄວນເອົາໃຈໃສ່ກໍ່ສ້າງ, ບຳລຸງສ້າງຖັນແຖວພະນັກງານສືບສວນມີຄວາມຮູ້ຈຳເປັນກ່ຽວກັບວິທະຍາສາດ - ເຕັກໂນໂລຢີ, ພາສາ, ກົດໝາຍສາກົນ ເພື່ອຍົກສູງຄຸນນະພາບການສືບສວນອາດຊະຍາກທີ່ຳອັນຕະລາຍນີ້.