ປະທານສູນກາງແນວໂຮມປະເທດຊາດ ຫງວຽນທ້ຽນເຍີນ ລົງຢ້ຽມຢາມບັນດາຫມູ່ບ້ານອາຊີບ
ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ລົງຢ້ຽມຢາມຫມູ່ບ້ານອາຊີບ ເຊີນດົງ |
(vovworld)- ຕອນເຊົ້າວັນທີ 19/4, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ລົງສຳຫຼວດສະພາບຕົວຈິງ ແລະ ທິດທາງພັດທະນາຫມູ່ບ້ານອາຊີບແຂວງ ນາມດິ້ງ ເພື່ອຊອກຮູ້ທ່າແຮງ ແລະ ສິ່ງທີ່ຍັງຄົງຄ້າງຂອງຫມູ່ບ້ານອາຊີບ, ຈາກນັ້ນຈະມີຂໍ້ສະເໜີທິດທາງພັດທະນາຫມູ່ບ້ານອາຊີບໃນກົນໄກການຕະຫຼາດປະຈຸບັນ. ນະທີ່ນີ້, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຢືນຢັນວ່າ : ເພື່ອພະລັງຊີວິດຂອງ ຫມູ່ບ້ານອາຊີບເມື່ອທຽບໃສ່ຕະຫຼາດຫວຽດນາມ ແລະ ຕ່າງປະເທດ, ດັ່ງນັ້ນຕ້ອງສ້າງຄືນເປັນສະຫະກອນ. ຖ້າວ່າສ້າງເປັນສະຫະກອນນັ້ນ, ນະໂຍບາຍກໍຖືກເຜີຍແຜ່ຮອດແຕ່ລະຄອບຄົວ, ໄດ້ຮັບການແນະນຳຜະລິດຕະພັນ, ແບ່ງປັນຄ່າໃຊ້ຈາຍດ້ານສິ່ງແວດລ້ອມ, ໜູນຊ່ວຍທຶນ ແລະ ສ້າງເຄື່ອງໝາຍການຄ້າ.
ກ່ອນໜ້ານັ້ນ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນລົງສຳຫຼວດສະພາບຕົວຈິງຢູ່ບັນດາຮາກຖານຜະລິດເຄື່ອງສິລະປະກຳຢູ່ຫມູ່ບ້ານອາຊີບ ເຊີນດົງ ເມືອງ ຮ່ວາຍດຶກ ຮ່າໂນ້ຍ. ຢູ່ທີ່ນີ້, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ເນັ້ນໜັກວ່າ ຄວນຄົ້ນຄ້ວາເພື່ອໃຫ້ຜະລິດຕະພັນຂອງຫມູ່ບ້ານອາຊີບສາມາດເສີມຂະຫຍາຍມູນເຊື້ອ ແລະ ແທດເໝາະກັບຍຸກທັນສະໄໝ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຍັງຖືວ່າ ຕໍ່ໜ້າຄວາມຮຽກຮ້ອງຕ້ອງການປະຈຸບັນ, ຄວນສ້າງນິຕິບຸກຄົນເພື່ອພົວພັນແລກປ່ຽນໃນທ້ອງຕະຫຼາດຄືອາດຈະສ້າງເປັນບໍລິສັດຫຼືສະຫະກອນ. ຕາມທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ແລ້ວ, ການຮ່ວມສຳພັນຈະສ້າງໂອກາດໃຫ້ບັນດາຄອບຄົວໄດ້ກູ້ຢືມທຶນດ້ວຍຄ່າດອກເບ້ັຍຕ່ຳ, ມີຜະລິດຕະພັນອຸດົມສົມບູນ, ມີການສອນວິຊາຊີບ…