ທ່ານປະທານຄະນະກຳມະການສູນກາງແນວໂຮມປະເທດຊາດ
ຫວຽດນາມ ຫງວຽນທ້ຽນເຍິນ ໄດ້ເຮັດວຽກກັບການນຳແຂວງ ຈ່າວິງ
(ພາບ: daidoanket)
(vovworld) - ຕອນບ່າຍວັນທີ 22/1, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍິນ ໄດ້ເຮັດວຽກກັບການນຳແຂວງ ຈ່າວິງ ກ່ຽວກັບສະພາບການພັດທະນາເສດຖະກິດ - ສັງຄົມຂອງແຂວງ. ນະທີ່ນີ້, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍິນ ເນັ້ນໜັກວ່າ, ເພື່ອພັດທະນາເສດຖະກິດຢ່າງໝັ້ນຄົງ, ຈ່າວິງ ຄວນຍູ້ໄວການພັດທະນາເສດຖະກິດລວມໝູ່, ສ້າງຕັ້ງສະຫະກອນແບບໃໝ່ເພື່ອຍົກສູງລາຍຮັບໃຫ້ສະມາຊິກສະຫະກອນ. ເມື່ອເຂົ້າຮ່ວມສະຫະກອນ, ສະມາຊິກສະຫະກອນໄດ້ຮັບການໜູນຊ່ວຍຄົ້ນຄ້ວາຕະຫຼາດ, ຈາກນັ້ນວາງແຜນກຳນົດການຜະລິດ ແລະ ວາງແຜນການຜະລິດ ຕອບສະໜອງຄວາມຕ້ອງການຂອງຕະຫຼາດ, ພ້ອມທັງໄດ້ຮັບການໜູນຊ່ວຍສະໜອງວັດຖຸອຸປະກອນ “ສົ້ນເຂົ້າ“ ທີ່ມີຄຸນນະພາບ, ລາຄາຖືກ, ສ້າງຄວາມສະດວກໃນການສຳຜັດແຫຼ່ງທຶນກູ້ຢືມ, ວິທະຍາສາດ ເຕັກນິກ, ຕະຫຼາດ “ສົ້ນອອກ“ ໃຫ້ຜະລິດຕະພັນ, ສ້າງເຄື່ອງໝາຍການຄ້າຍົກສູງມູນຄ່າຜະລິດຕະພັນ…
ກ່ອນໜ້ານັ້ນ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ໄດ້ລົງມອບຂອງຂວັນບຸນເຕັດໃຫ້ 200 ຄອບຄົວ ທີ່ທຸກຍາກຢູ່ເມືອງ ຕຽວເກິ່ນ ແລະ ນະຄອນ ຈ່າວິງ, ແຂວງ ຈ່າວິງ; ຢ້ຽມຢາມ ແລະ ອວຍພອນປີໃໝ່ຄອບຄົວແມ່ຫວຽດນາມວິລະຊົນ ຮວີ່ນທິມາຍ ຢູ່ຕາແສງ ຫງາຍຮຸ່ງ, ເມືອງຕຽວເກິ່ນ, ແລະ ສູນອຸປະກະລະສັງຄົມແຂວງ ຈ່າວິງ ແລະ ຄະນະບໍລິຫານງານ ສະມາຄົມພຸດທະສາສະໜາ ຫວຽດນາມ ແຂວງ ຈ່າວິງ.