(ພາບ:pda.vietbao.vn)
( vovworld ) – ຕອນຄ່ຳວັນທີ 6/9, ທ່ານ Marzuki Alie ປະທານສະພາຕ່ຳອິນໂດເນເຊຍ, ປະທານສະພາສະມັດຊາໃຫ່ຍລັດຖະສະພາລະຫວ່າງຊາດອາຊຽນ (AIPA) ແລະ ຄະນະໄດ້ເດີນທາງອອກຈາກຮ່າໂນ້ຍ, ສິ້ນສຸດການຢ້ຽມຢາມ ແລະ ເຮັດວຽກຢູ່ຫວຽດນາມ ຢ່າງຈົບງາມ. ໃນໄລຍະຢູ່ຢ້ຽມຢາມຫວຽດນາມ, ທ່ານປະທານສະພາຕ່ຳອິນໂດເນເຊຍ Marzuki Alie ໄດ້ມີການເຈລະຈາ, ພົບປະກັບການນຳພັກ ແລະ ລັດຫວຽດນາມ. ທີ່ບັນດາການເຈລະຈາ, ພົບປະ, ທ່ານປະທານສະພາຕ່ຳອິນໂດເນເຊຍ, ປະທານ AIPA Marzuki Alie ລ້ວນແຕ່ໄດ້ຮັບຄຳຊົມເຊີຍຢ່າງສຸດອົກສຸດໃຈ, ການຕີລາຄາສູງຈາກການນຳສະພາແຫ່ງຊາດ, ລັດຖະບານຫວຽດນາມ ກ່ຽວກັບການຢ້ຽມຢາມ ແລະ ເຮັດວຽກຢູ່ຫວຽດນາມຄັ້ງນີ້, ຖືວ່າ, ນີ້ແມ່ນການສະແດງໃຫ້ເຫັນຢ່າງມີຊີວິດຊີວາ ຂອງການພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຮອບດ້ານ ມຸ້ງໄປເຖິງການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ ພາຍຫຼັງສ້າງຕັ້ງສາຍພົວພັນທາງການທູດມາເປັນເວລາເກືອບ 6 ທົດສະວັດ. ການນຳຂັ້ນສູງຫວຽດນາມ ກໍ່ຕີລາຄາສູງການກະກຽມຢ່າງລອບຄອບທີ່ຖ້ວນຂອງອິນໂດເນເຊຍ ໃນບັນດາການເຄື່ອນໄຫວໃນຂອບເຂດ AIPA ກໍ່ຄືບົດບາດຂອງອິນໂດເນເຊຍ ໃນປີຜ່ານມາໃນຖານະແມ່ນປະທານ AIPA ຊື່ງໄດ້ມີບັນດານການເຄື່ອນໄຫວອັນຕັ້ງໜ້າ ເພື່ອແນໃສ່ເສີມຂະຫຍາຍບົດບາດ ແລະ ການປະກອບສ່ວນຂອງລັດຖະສະພາບັນດາປະເທດສະມາຊິກ ມຸ້ງໄປເຖິງການສ້າງປະຊາຄົມອາຊຽນ ໃນປີ 2015.