(vovworld) - ຕອນເຊົ້າວັນທີ 16/01, ຄະນະຜູ້ແທນຂັ້ນສູງສະພາແຫ່ງຊາດສ.ເກົາຫຼີ ໂດຍທ່ານ Kang Chang Hee, ປະທານສະພາແຫ່ງຊາດນຳໜ້າ ແລະ ພັນລະຍາ ໄດ້ເດີນທາງອອກຈາກຮ່າໂນ້ຍ, ສິ້ນສຸດການຢ້ຽມຢາມຫວຽດນາມ ຢ່າງເປັນທາງການເປັນເວລາ 4 ວັນ, ຕາມຄຳເຊີນຂອງທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ. ໃນໄລຍະຢູ່ຢ້ຽມຢາມຫວຽດນາມ (ໃນລະຫວ່າງວັນທີ 13 – 16/01), ທ່ານປະທານສະພາແຫ່ງຊາດ ສ.ເກົາຫຼີ Kang Chang Hee ໄດ້ມີການເຈລະຈາກັບທ່ານປະທານສະພາແຫ່ງຊາດຫງວຽນຊິງຮຸ່ງ ແລະ ພ້ອມກັບຢືນຢັນວ່າ ຈະເຮັດຈົນສຸດຄວາມສາມາດຂອງຕົນ ເພື່ອຊຸກຍູ້ການພົວພັນຮ່ວມມືມິດຕະພາບລະຫວ່າງ 2 ສະພາແຫ່ງຊາດ ແລະ ປະຊາຊົນ 2 ປະເທດ ຢ່າງບໍ່ຢຸດຢັ້ງ. 2 ຝ່າຍໄດ້ເປັນເອກະພາບນຳກັນຮັກສາບັນດາການເຄື່ອນໄຫວພົວພັນແລກປ່ຽນທຸກຂັ້ນ ເພື່ອແນໃສ່ສ້າງກຳລັງໜູນເພື່ອຊຸກຍູ້ການພົວພັນລະຫວ່າງ 2 ປະເທດໃຫ້ພັດທະນາໃນທຸກຂົງເຂດ. ທ່ານປະທານສະພາແຫ່ງຊາດ ສ.ເກົາຫຼີ Kang Chang Hee ກໍໄດ້ເຂົ້າຢ້ຽມຢຽມຂໍ່ານັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ, ທ່ານປະທານປະເທດ ເຈືອງເຕີນຊາງ, ພົບປະເຈລະຈາກັບທ່ານນາຍົກລັດຖະມົນຕີ ຫງວຽນເຕີນຢຸງ. ທ່ານປະທານສະພາແຫ່ງຊາດ ສ.ເກົາຫຼີ Kang Chang Hee ແລະ ພັນລະຍາ ກໍໄປຢ້ຽມຢາມສູນວັດທະນະທຳສ.ເກົາຫຼີ ປະຈຳຮ່າໂນ້ຍ, ວັນມ໋ຽວກ໋ວກຕືຢາມ (Van Mieu Quoc Tu Giam) ແລະ ອ່າວຮ້າລອງ ເຊິ່ງແມ່ນມໍລະດົກທຳມະຊາດໂລກ ກ່ອນທີ່ເດີນທາງອອກຈາກຮ່າໂນ້ຍ.