(vovworld) – ວັນທີ 25/8, ທ່ານປະທານສະພາແຫ່ງຊາດ ຫງວຽນຊິງຮູ່ງ ໄດ້ວາງພວງມາລາ, ຖະຫວາຍທູບທຽນຢູ່ອະນຸສອນສະຖານປະທານ ໂຕນດຶກຖັ໋ງ ຢູ່ນະຄອນ ລອງອານ, ແຂວງ ອານຢາງ, ສະແດງຄວາມຮູ້ບຸນຄຸນເຖິງປະທານ ໂຕນດຶກຖັ໋ງ - ການນຳທີ່ເປັນແບບຢ່າງຂອງພັກ, ລັດ ແລະ ແນວໂຮມເອກະພາບແຫ່ງຊາດ ຫວຽດນາມ. ເນື່ອງໃນໂອກາດນີ້, ທ່ານປະທານສະພາແຫ່ງຊາດ ຫງວຽນຊິງຮູ່ງ ແລະ ບັນດາການນຳພັກ, ລັດ ໄດ້ພ້ອມກັນທົບທວນຄືນໄລຍະທາງເຄື່ອນໄຫວປະຕິວັດທີ່ສະຫງ່າອົງອາດຂອງປະທານ ໂຕນດຶກຖັ໋ງ - ການນຳປະຕິວັດທີ່ໄດ້ອຸທິດຕະຫຼອດຊີວິດຢ່າງບໍ່ຮູ້ອິດບໍ່ຮູ້ເມື່ອຍໃຫ້ແກ່ພາລະກິດຕໍ່ສູ້ປະຕິວັດປົດປ່ອຍຊາດ ແລະ ສ້າງສາປະເທດຊາດ. ທ່ານປະທານສະພາແຫ່ງຊາດ ຫງວຽນຊິງຮູ່ງ ໄດ້ປູກຕົ້ນໄມ້ເປັນທີ່ລະນຶກ ແລະ ຢ້ຽມຢາມກິດຈະກຳ, ບູລະນະເຮືອນຮ້ານຂອງປະທານ ໂຕນດຶກຖັ໋ງ ໃນບໍລິເວັນເຂດອະນຸສອນສະຖານຂອງເພີ່ນ.
ເຂດອະນຸສອນສະຖານປະທານ ໂຕນດຶກຖັ໋ງ ໄດ້ຮັບການເປີດສະໜອງເມື່ອວັນທີ 20/8/1998, ເນື່ອງໃນໂອກາດສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງປະທານ ໂຕນດຶກຖັ໋ງ (1998). ເຂດອະນຸສອນສະຖານລວມມີຫຼາຍກິດຈະກຳທີ່ໄດ້ຮັບການກໍ່ສ້າງໃນບໍລິເວນທີ່ມີເນື້ອທີເກືອບ 7 ha, ດ້ວຍກິດຈະກຳສະຖາປັດຕະຍາກຳທີ່ເຂັ້ມຄົ້ນໄປດ້ວຍສີສັນວັດທະນະທຳເຂດຕາພາກໃຕ້ຄື: ຊາຍຄາໃນຍາມເຍົາໄວ, ຫໍບູຊາອາໄລຫາປະເທດ ໂຕນດຶກຖັ໋ງ, ຫ້ອງວາງສະແດງກ່ຽວກັບຊີວິດ ແລະ ພາລະກິດຂອງປະທານ ໂຕນດຶກຖັ໋ງ ດ້ວຍຮູບຖ່າຍກ່ວາ 100 ແຜ່ນ ແລະ ວັດຖຸພັນກ່ວາ 35 ຢ່າງ ເຊິ່ງໄດ້ຕິດພັນກັບເພີ່ນໃນຕະຫຼອດວິວັດແຫ່ງການເຄື່ອນໄຫວປະຕິວັດຂອງເພິ່ນ.