(vovworld) - ຕອນເຊົ້າວັນທີ 16/03, ຄະນະຜູ້ແທນສະພາແຫ່ງຊາດຂັ້ນສູງຫວຽດນາມ ໂດຍທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ນຳໜ້າ, ໄດ້ເດີນທາງອອກຈາກຮ່າໂນ້ຍ ໄປສະວິດ ເພື່ອເຂົ້າຮ່ວມກອງປະຊຸມລັດຖະສະພາລະຫວ່າງຊາດສາກົນ (IPU) ຄັ້ງທີ 130 ຕາມຄຳເຊີນຂອງທ່ານປະທານລັດຖະສະພາລະຫວ່າງຊາດສາກົນ. ນີ້ແມ່ນຂີດໝາຍສຳຄັນເພື່ອປະກອບສ່ວນໂຄສະນາພາບພົດປະເທດຫວຽດນາມ ບົນເວທີສາກົນ, ກ້າວໄປເຖິງເລື່ອງຫວຽດນາມ ຈະເປັນເຈົ້າພາບຈັດກອງປະຊຸມ IPU 132 ໃນປີ 2015.
ໃນເວລາ 5 ວັນ, ມີຜູ້ແທນກວ່າ 700 ທ່ານທີ່ມາຈາກ 141 ປະເທດສະມາຊິກ IPU ເຂົ້າຮ່ວມ ກອງປະຊຸມໃຫຍ່ຄັ້ງທີ 130 ນີ້ ໂດຍສຸມໃສ່ປຶກສາຫາລືຫຼາຍບັນຫາ. ຫົວຂໍ້ຕົ້ນຕໍ່ຂອງກອງປະຊຸມໃຫຍ່ ແມ່ນຊຸກຍູ້ຄວາມມານະພະຍາຍາມແນໃສ່ການປອດອາວຸດນິວເຄຼຍ - ເປັນໜຶ່ງໃນບັນດາບຸລິມະສິດອັນໃຫຍ່ຫຼວງຂອງ IPU ແນໃສ່ສ້າງໂລກປອດໄພກວ່າ. ຄວາມສະຫງົບປອດໄພທົ່ວໂລກກໍ່ແມ່ນໜຶ່ງໃນບັນດາບັນຫາໃຫຍ່ທີ່ໄດ້ນຳມາປຶກສາຫາລືໃນຄັ້ງນີ້, ເຊິ່ງລວມມີ ບັນດາໄພອັນຕະລາຍທີ່ມີຕໍ່ການພັດທະນາທົ່ວໂລກ, ປົກປ້ອງສິດທິເດັກ, ພິເສດແມ່ນເດັກຕ້ອງອົບພະຍົບຍ້ອນສົງຄາມ ແລະ ການປະທະກັນ.
ໃນຂອບເຂດການໄປເຮັດວຽກຄັ້ງນີ້, ທ່ານປະທານປະເທດ ຫງວຽນຊິງຮຸ່ງ ກໍ່ຈະໄປຢ້ຽມຢາມສະຫະພັນສະວິດ ແລະ ສ.ອີຕາລີ ເພື່ອແນໃສ່ປັບປຸງການພົວພັນ 2 ຝ່າຍ, ພິເສດແມ່ນການຮ່ວມມືໃນຂົງເຂດສະພາແຫ່ງຊາດ.