ປະທານສະພາແຫ່ງຊາດ ຫງວຽນຊິງຮຸ່ງ ເຂົ້າຮ່ວມການພົບປະກັບບັນດານັກລົງທຶນແຂວງ ເງັ້ອານ
(ທ່ານປະທານສະພາແຫ່ງຊາດ ຫງວຽນຊິງຮຸ່ງ
ເຂົ້າຮ່ວມການພົບປະກັບບັນດານັກລົງທຶນແຂວງ ເງັ້ອານ)
(vovworld) - ການພົບປະກັບບັນດານັກລົງທຶນແຂວງເງະອານໃນວັນທີ 04/03, ຢູ່ນະຄອນວິງ, ແຂວງເງັ້ອານ, ເພື່ອຊອກຫາບັນດາວີທີການແກ້ໄຂຫຍຸ້ງຍາກໃຫ້ບັນດາວິສາຫະກິດ, ນັກລົງທຶນ. ກ່າວຄຳເຫັນຢູ່ທີ່ນີ້, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຊົມເຊີຍບັນດາວິສາຫະກິດ, ນັກລົງທຶນທີ່ເອົາໃຈໃສ່ເຖິງການລົງທຶນ, ພັດທະນາການຜະລິດດຳເນີນທຸລະກິດ ແລະ ມີການຄ້າຂາຍຢ່າງມີປະສິດທິຜົມຢູ່ ເງັ້ອານ. ທ່ານປະທານສະພາແຫ່ງຊາດຕັກເຕືອນວ່າແຂວງເງັ້ອານ ສືບຕໍ່ດຶງດູດການລົງທຶນ ແລະ ສຸມໃສ່ການກໍ່ສ້າງ, ເປີດກ້ວາງລະບົບທ່າກຳ່ປັ່ນທະເລ, ທາງຫຼວງຕາເວັນອອກຕາເວັນຕົກ ເພື່ອສ້າງເງື່ອນໄຂສະດວກໃຫ້ການແລກປ່ຽນຄ້າຂາຍຜ່ານບໍລິເວນແຂວງ. ເພື່ອບັນລຸໄດ້ຄາດໝາຍນັ້ນ, ອຳນາດການປົກຄອງແຂວງຄວນຍູ້ແຮງການກວດກາແຜນກຳນົດການພັດທະນາເສດຖະກິດ - ສັງຄົມຂອງແຂວງໃນໄລຍະທີ່ຈະມາເຖິງ; ປະຕິບັດວຽກງານວາງແຜນກຳນົດເປັນຢ່າງດີ, ເລືອກເຟັ້ນໂຄງການ, ນັກລົງທຶນຕາມທິດພັດທະນາແບບຍືນຍົງ
ເນື່ອງໃນໂອກາດນີ້, ຄະນະກຳມະການປະຊາຊົນ ແຂວງເງັ້ອານ ໄດ້ມອບໃບຢັ້ງຢືນລົງທຶນໃຫ້ 8 ໂຄງການ ແລະ ລົງນາມໃນສັນຍາຮ່ວມມືລົງທຶນ 4 ສະບັບເຂົ້າທ້ອງຖິ່ນ ດ້ວຍຈຳນວນທຶນຈົດທະບຽນກວ່າ 18.500 ຕື້ດົງ ແລະ 87.5 ລ້ານ USD.