(vovworld) - ຕອນບ່າຍວັນທີ 7/1 ຢູ່ນະຄອນຫຼວງ ຮ່າໂນ້ຍ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮູ່ງ ໄດ້ໃຫ້ການຕ້ອນຮັບທ່ານນາງ ປານີ ຢາທໍຕູ້, ປະທານສະພາແຫ່ງຊາດ ລາວ ເຊິ່ງພວມຢ້ຍມຢາມ ແລະ ເຮັດວຽກຢູ່ຫວຽດນາມ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຕີລາຄາສູງຄວາມໝາຍ ແລະ ບັນດາໝາກຜົນຂອງການເຄື່ອນໄຫວໃນປີ ສາມັກຄີ - ມິດຕະພາບຫວຽດນາມ - ລາວ 2012 ແລະ ເນັ້ນໜັກ ກ່ຽວກັບຜົນສຳເລັດຮ່ວມຂອງສະພາແຫ່ງຊາດ 2 ປະເທດ ໃນການຈັດຕັ້ງກອງປະຊຸມພົວພັນຮ່ວມມືລະຫວ່າງສະພາແຫ່ງຊາດຫວຽດນາມ - ລາວ ຢູ່ແຂວງ ເຊີນລາ ເມື່ອເດືອນ 4/2012. 2 ຝ່າຍໄດ້ເປັນເອກະສັນກັນຢ່າງສູງ ກ່ຽວກັບບັນດາມາດຕະການສົມທົບກັນລະຫວ່າງ 2 ສະພາແຫ່ງຊາດ ກັບ ລັດຖະບານ 2 ປະເທດ ໃນທຸກໆຂົງເຂດເປັນຕົ້ນແມ່ນເສດຖະກິດ, ການຄ້າ ແລະ ການລົງທຶນ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຫວັງວ່າ: ໃນໄລຍະທີ່ຈິະມາເຖິງ, ສະພາແຫ່ງຊາດ 2 ປະເທດ ຈະຕັ້ງໜ້າກ່ວາອີກໃນການຜັນຂະຫຍາຍບັນດາເນື້ອໃນໃນສັນຍາຮ່ວມມື ເພີ່ມທະວີການແລກປ່ຽນ ຂໍ້ມູນຂ່າວສານ, ບົດຮຽນ, ວິຊາສະເພາະ ແລະ ສືບຕໍ່ຮ່ວມມືກັນຢ່າງແໜ້ນແຟ້ນໃນບັນດາເວທີປາໄສລັດຖະສະພາລະຫວ່າງຊາດ, ສາກົນ ແລະ ພາກພື້ນ ເພື່ອສັນຕິພາບ, ຮ່ວມມື ແລະ ພັດທະນາ.
ສ່ວນທ່ານນາງ ປານີ ຢາທໍຕູ້, ປະທານສະພາແຫ່ງຊາດ ລາວ ຖືວ່າ: ບັນດາການເຄື່ອນໄຫວຂອງ 2 ຝ່າຍຝນໂອກາດນີ້ ໄດ້ສະແດງໃຫ້ເຫັນຄວາມມານະພະຍາຍາມຂອງທັງ 2 ຝ່າຍໃນການຮັກສາ ແລະ ເສີມຂະຫຍາຍການພົວພັນມິດຕະພາບ, ການຮ່ວມມືລະຫວ່າງ 2 ສະພາແຫ່ງຊາດ, ປະກອບສ່ວນສຳຄັນເຂົ້າໃນການຮັດແໜ້ນຄວາມສາມັກຄີ - ມິດຕະພາບແບບພິເສດລະຫວ່າງຫວຽດນາມ - ລາວ.