(vovworld) – ຕອນບ່າຍວັນທີ 20/08, ຄະນະຜູ້ແທນຂັ້ນສູງສະພາແຫ່ງຊາດລາຊະອານາຈັກກຳປູເຈຍ Samdech Akka Moha Ponhea Chakrei Heng Samrin ໄດ້ເດີນທາງອອກຈາກຮ່າໂນ້ຍ, ສິ້ນສຸດການຢ້ຽມຢ້າມຫວຽດນາມ ຢ່າງເປັນທາງການ ຕາມຄຳເຊີນຂອງທ່ານປະທານສະພາແຫ່ງຊາດ ຫງວຽນຊິງຮຸ່ງ. ໃນໄລຍະຢູ່ຢ້ຽມຢາມຫວຽດນາມ, ແຕ່ວັນທີ 18 – 20/08, ປະທານສະພາແຫ່ງຊາດກຳປູເຈຍ ໄດ້ມີການເຈລະຈາ, ພົບປະເຈລະຈາກັບການນຳຂັ້ນສູງຂອງພັກ, ລັດ, ສະພາແຫ່ງຊາດ, ລັດຖະບານຫວຽດນາມ. ທີ່ບັນດາການພົບປະ, ການນຳຫວຽດນາມ ສືບຕໍ່ຢືນຢັນວ່າ ຍາມໃດຫວຽດນາມ ກໍ່ຖືເປັນສຳຄັນ ແລະ ສະຫງວນບຸລິມະສິດອັນດັງໜຶ່ງໃຫ້ແກ່ການປັບປຸງ ແລະ ພັດທະນາການພົວພັນຖານບ້ານໃກ້ເຮືອນຄຽງອັນດີງາມ, ຄວາມສາມັກຄີທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານລະຫວ່າງຫວຽດນາມ ແລະ ກຳປູເຈຍ, ຖືນີ້ແມ່ນຊັບສົມບັດອັນລ້ຳຄ່າຂອງ 2 ຊາດ, ຕ້ອງໄດ້ຮັບການຮັກສາ, ເສີມຂະຫຍາຍ ແລະ ສືບທອດໃຫ້ລຸ່ນຫຼັງ ເພື່ອການພັດທະນາວັດທະນາຖາວອນຂອງແຕ່ລະປະເທດ, ເພື່ອສັນຕິພາບ, ເອກະລາດຊົນຊາດ, ປະຊາທິປະໄຕ ແລະ ຄວາມກ້າວໜ້າສັງຄົມຢູ່ໃນໂລກ. 2 ຝ່າຍປາດຖະໜາວ່າ ໃນໄລຍະຈະມາເຖິງ, ສະພາແຫ່ງຊາດ 2 ປະເທດສືບຕໍ່ເພີ່ມທະວີການຮ່ວມມື, ແລກປ່ຽນຂໍ້ມູນ, ແລກປ່ຽນບົດຮຽນໃນຂົງເຂດນິຕິບັນຍັດ, ຕິດຕາມກວດກາ ແລະ ຕັດສິນບັນດາບັນຫາໃຫຍ່ຂອງປະເທດຊາດ; ຕັ້ງໜ້າຜັນຂະຫຍາຍການປະຕິບັດບັນດາສົນທິສັນຍາ, ສັນຍາ, ຂໍ້ຕົກລົງທີ່ໄດ້ຮັບການລົງນາມລະຫວ່າງ 2 ປະເທດ, 2 ສະພາແຫ່ງຊາດຢ່າງມີປະສິດທິຜົນ, ປະກອບສ່ວນເຮັດໃຫ້ການພົວພັນສາມັກຄີມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງ 2 ປະເທດເລິກເຊິ່ງຂຶ້ນຕື່ມ.