ປະທານສະພາແຫ່ງຊາດລາວຕີລາຄາສູງຄວາມຄືບໜ້າຜັນຂະຫຍາຍໂຄງການສ້າງຫໍສະພາແຫ່ງຊາດຫຼັງໃໝ່ຂອງລາວ
(VOVWORLD) -ວັນທີ 26 ມັງກອນ, ທ່ານນາງປະທານສະພາແຫ່ງຊາດລາວ ປານີ ຢ່າທໍ່ຕູ້ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງ ກະຊວງກໍ່ສ້າງ ຫວຽດນາມ, ໂດຍທ່ານ ລັດຖະມົນຕີ ຟ້າມຮົ່ງຮ່າ ເປັນຫົວໜ້າຄະນະ, ເນື່ອງໃນໂອກາດ ທີ່ຄະນະມາຢ້ຽມຢາມ ແລະ ເຮັດວຽກ ຢູ່ລາວ.
 (ລາວຕີລາຄາສູງຄວາມຄືບໜ້າຜັນຂະຫຍາຍໂຄງການສ້າງຫໍສະພາແຫ່ງຊາດຫຼັງໃໝ່ຂອງລາວ) |
ລາຍງານຕໍ່ທ່ານນາງປະທານສະພາແຫ່ງຊາດລາວ ປານີ ຢ່າທໍ່ຕູ້ ຮັບຊາບ ກ່ຽວກັບຜົນຂອງການເຮັດວຽກກັບ ຄະນະຄຸ້ມຄອງໂຄງການກໍ່ສ້າງ ຫໍສະພາແຫ່ງຊາດຫຼັງໃໝ່ຂອງລາວ, ທ່ານລັດຖະມົນຕີ ຟ້າມຮົ່ງຮ່າ ໃຫ້ຮູ້ວ່າ: ສອງຝ່າຍໄດ້ເຫັນດີເປັນເອກະພາບສູງ ຕໍ່ບັນດາເນື້ອໃນການຜັນຂະຫຍາຍ ແລະ ລົງນາມໃນຂໍ້ຕົກລົງ ກ່ຽວກັບກົນໄກສົມທົບ, ຂອບເຂດວຽກງານທີ່ກ່ຽວຂ້ອງ ເຖິງໂຄງການກໍ່ສ້າງຫໍສະພາແຫ່ງຊາດລາວ. ສອງຝ່າຍກໍ່ເຫັນດີເປັນເອກະພາບ ພ້ອມກັນມານະພະຍາຍາມປະຕິບັດການລົງທຶນກໍ່ສ້າງຫໍສະພາແຫ່ງຊາດລາວ, ຮັບປະກັນຄຸນນະພາບ, ເຕັກນິກ, ຄວາມສວຍງາມ, ຄວາມປອດໄພຂອງກິດຈະກຳຕາມໂຄງການ, ການອອກແບບທີ່ໄດ້ຮັບການອະນຸມັດຜ່ານ ຈາກຂັ້ນມີສິດອຳນາດຂອງຫວຽດນາມ ແລະ ລາວ; ສູ້ຊົນເພື່ອ ໄດ້ມອບ -ຮັບກິດຈະກຳໃນທ້າຍປີ 2020.
ສ່ວນທ່ານນາງປະທານສະພາແຫ່ງຊາດລາວ ປານີ ຢ່າທໍ່ຕູ້ ຕີລາຄາສູງໝາກຜົນການເຮັດວຽກ ລະຫວ່າງ ກະຊວງກໍ່ສ້າງຫວຽດນາມ ແລະ ຄະນະຄຸ້ມຄອງໂຄງການກໍ່ສ້າງຫໍສະພາແຫ່ງຊາດຫຼັງໃໝ່ຂອງລາວ, ຢືນຢັນວ່າ ຂໍ້ຕົກລົງທີ່ໄດ້ລົງນາມ ຈະເປັນພື້ນຖານດ້ານນິຕິກຳ ເພື່ອສືບຕໍ່ຜັນຂະຫຍາຍບັນດາວຽກງານຕໍ່ໄປ.