ປະທານສະພາແຫ່ງຊາດຫງວຽນຊິງຮູ່ງ: ຍົກສູງ ຄວາມຮັບຜິດຊອບ ນຳລັດຖະທຳມະນູນ ເຂົ້າຊີວິດການເປັນຢູ່
ປະທານສະພາແຫ່ງຊາດ ຫງວຽນຊິງຮູ່ງ ອວຍພອນປີໃໝ່ພະນັກງານຫ້ອງວ່າການສະພາແຫ່ງຊາດ
(vovworld) - ຕອນເຊົ້າວັນທີ 6/2, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ໄດ້ລົງຢ້ຽມຢາມພະນັກງານ, ລັດຖະກອນ, ພາລະກອນຫ້ອງວ່າການສະພາແຫ່ງຊາດ, ສານປະຊາຊົນສູງສຸດ, ໄອຍະການປະຊາຊົນສູງສຸດ, ກະຊວງຍຸຕິທຳ ແລະ ທະນາຄານລົງທຶນພັດທະນາ ຫວຽດນາມ.
ເມື່ອລົງຢ້ຽມຢາມ, ອວຍພອນປີໃໝ່ບັນດາຜູ້ພິພາກສາ, ພະນັກງານສານປະຊາຊົນ ສູງສຸດ, ທ່ານປະທານສະພາແຫ່ງຊາດ ຢືນຢັນບົດບາດໃຈກາງໃນວຽກງານຕຸລາການຂອງສານປະຊາຊົນ. ທ່ານປະທານສະພາແຫ່ງຊາດ ສະເໜີໃຫ້ຂະແໜງສານປະຊາຊົນຈັດຕັ້ງການຊາບຊືມ ແລະ ປະຕິບັດລັດຖະທຳມະນູນສະບັບໃໝ່ເປັນຢ່າງດີ, ສືບຕໍ່ຜັນຂະຫຍາຍບັນດາມະຕິຂອງພັກ, ສະພາແຫ່ງຊາດກ່ຽວກັບວຽກງານຕຸລາການຢ່າງເຂັ້ມງວດ, ຕິດພັນກັບບົດບາດພິພາກສາຂອງສານ, ປະຕິບັດການຍົກສູງຄຸນນະພາບວຽກງານພິພາກສາເປັນຢ່າງດີ.
ຮັບຮອງເອົາ, ຕີລາຄາສູງໝາກຜົນຂອງວຽກງານປ້ອງກັນ, ຕ້ານອາດຊະຍາກຳ, ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍຂອງຂະແໜງໄອຍະການປະຊາຊົນໃນປີ 2013, ທ່ານປະທານສະພາແຫ່ງຊາດ ເນັ້ນໜັກວ່າ: ປີ 2014 ຈະວາງອອກຄຳຮຽກຮ້ອງຫຼາຍຢ່າງໃນການປັບປຸງລະບົບກົດໝາຍວ່າດ້ວຍການດຳເນີນຄະດີ. ເພື່ອປະຕິບັດສຳເລັດໜ້າເຊິ່ງໄດ້ຮັບມອບໝາຍເປັນຢ່າງດີ, ຂະແໜງໄອຍະການປະຊາຊົນຕ້ອງຕັ້ງໜ້າສະຫລຸບ, ຄົ້ນຄ້ວາ, ເຂົ້າຮ່ວມການສ້າງ, ປັບປຸງເພີ່ມເຕີມບັນດາເອກະສານນິຕິກຳທີ່ກ່ຽວຂ້ອງ, ຮັບປະກັນເໝາະສົມກັບລັດຖະທຳມະນູນສະບັບໃໝ່. ທ່ານປະທານສະພາແຫ່ງຊາດ ຫງວຽນຊິງຮູ່ງ ກໍ່ສະເໜີໃຫ້ຂະແໜງໄອຍະການປະຊາຊົນ, ສະມາຊິກໃນຂະແໜງຍົກສູງລະດັບວິຊາຊີບ, ຮັບປະກັນປະຕິບັດຫຼັກການລະບອບກົດໝາຍສັງຄົມນິຍົມ, ປົກປັກຮັກສາສິດທິມະນຸດ, ສິດ ແລະ ຜົນປະໂຫຍດພື້ນຖານຂອງພົນລະເມືອງກ່ວາອີກ.