ທ່ານປະທານສະພາແຫ່ງຊາດ ຫງວຽນຊີງຮູ່ງ ຢູ່ວິຫານ ຮູ່ງ |
(vovworld) – ວັນທີ 27/2, ທ່ານປະທານສະພາແຫ່ງຊາດ ຫງວຽນຊີງຮູ່ງ ໄດ້ລົງຢ້ຽມຢາມເຂດປູຊະນີຍະສະຖານປະຫວັດສາດພິເສດລະດັບຊາດ ວິຫານຮູ່ງ, ວາງພວງມາລາ, ຖະຫວາຍທູບທຽນຕອບບຸນແທນຄູນບັນດາເຈົ້າຊິວິດຮູ່ງ ແລະ ຄົນລຸ່ນກ່ອນໆມີຄຸນງາມຄວາມດີໃນການສ້າງສາປະເທດຊາດ. ທ່ານ ຫງວຽນຊິງຮູ່ງ ສະແດງຄວາມເບີກບານໃນເມື່ອເຫັນວ່າ: ໃນຊຸມປີຜ່ານມາ, ພ້ອມກັບພໍ່ແມ່ປະຊາຊົນໃນທົ່ວປະເທດ, ແຂວງ ຟູ່ເທາະ ຍາມໃດກໍລົງທຶນບູລະນະປະຕິສັງຂອນເຂດປູຊະນີຍະສະຖານ ວິຫານຮູ່ງ ໃຫ້ນັບມື້ນັບສວຍສົດງົດງາມ, ສົມເປັນ ປູຊະນີຍະສະຖານປະຫວັດສາດພິເສດລະດັບຊາດ, ຕອບສະໜອງໄດ້ຄວາມມຸ່ງຫວັງຂອງພໍ່ແມ່ປະຊາຊົນໃນທົ່ວປະເທດ. ເນື່ອງໃນໂອກາດນີ້, ທ່ານປະທານສະພາແຫ່ງຊາດ ເຊື່ອໝັ້ນວ່າ ປະເທດນັບມື້ນັບພັດທະນາ, ວຽກງານພົວພັນຕ່າງປະເທດ ແລະ ຮ່ວມມືສາກົນນັບມື້ນັບໄດ້ຮັບການຍົກສູງ, ເອກະລາດ, ອະທິປະໄຕແຫ່ງຊາດໄດ້ຮັບການຮັກສາ, ສ້າງສາປະເທດ ຫວຽດນາມ ນັບມື້ນັບໝັ້ນຄົງ, ເຂັ້ມແຂງ.