ປະທານສະພາແຫ່ງຊາດຫງວຽນຊິງຮຸ່ງພົບປະກັນຜູ້ມີສິດເລືອກຕັ້ງຮ່າຕິງ
ທ່ານປະທານສະພາແຫ່ງຊາດຫງວຽນຊິງຮຸ່ງ
ພົບປະກັນຜູ້ມີສິດເລືອກຕັ້ງຮ່າຕິງ
(ພາບ: baohatinh.vn)
(vovworld) – ວັນທີ 16/05, ທ່ານປະທານສະພາແຫ່ງຊາດ ຫງວຽນຊິງຮຸ່ງ ແລະ ຄະນະສະມາຊິກສະພາແຫ່ງຊາດແຂວງຮ່າຕິງ ໄດ້ມີການພົບປະກັບຜູ້ມີສິດເລືອກຕັ້ງຮ່າຕິງ ເພື່ອແຈ້ງການຄາດຄະເນລາຍການ, ເນື້ອໃນຂອງກອງປະຊຸມ; ພ້ອມທັງຮັບຟັງແນວຄິດຈິດໃຈ, ແກ້ໄຂຄວາມຂ້ອງໃຈ, ຄວາມເຫັນຂອງຜູ້ມີສິດເລືອກຕັ້ງ. ຢູ່ທີ່ນີ້, ຜູ້ມີສິດເລືອກຕັ້ງ ເອົາໃຈໃສ່ປະກອບຄຳເຫັນໃສ່ຮ່າງກົດໝາຍວ່າດ້ວຍອຳນາດການປົກຄອງທ້ອງຖິ່ນ, ກົດໝາຍວ່າດ້ວຍການປະກາດໃຊ້ເອກະສານນິຕິກຳ ແລະ ບັນດາເນື້ອໃນເຄື່ອນໄຫວຂອງສະພາແຫ່ງຊາດ ທີ່ກອງປະຊຸມຫວ່າງມໍ່ໆມານີ້.
ທ່ານປະທານສະພາແຫ່ງຊາດ ຫງວຽນຊິງຮຸ່ງ ຮັບຮູ້ບັນດາຄຳເຫັນປະກອບຂອງຜູ້ມີສິດເລືອກຕັ້ງ ແລະ ຖືວ່ານັ້ນແມ່ນຄຳເຫັນທີ່ມີຄຸນຄ່າ. ທ່ານປະທານສະພາແຫ່ງຊາດຖືວ່າ, ໃນ 5 ປີຜ່ານມາ, ຮ່າຕິງໄດ້ບືນຕົວຂຶ້ນຢ່າງແຮງ, ລາຍຮັບງົບປະມານໄດ້ເພີ່ມຂຶ້ນສູງ, ໂສມໜ້າຊົນນະບົດໄດ້ມີການປ່ຽນໃໝ່ຢ່າງບໍ່ຢຸດຢັ້ງ, ຊີວິດການເປັນຢູ່ຂອງປະຊາຊົນສືບຕໍ່ໄດ້ຮັບການປັບປຸງ, ປະກອບສ່ວນນັບມື້ນັບຫຼາຍເຂົ້າໃນພາລະກິດພັດທະນາເສດຖະກິດ - ສັງຄົມຂອງພາກກາງ ແລະ ທັງປະເທດ. ທ່ານປະທານສະພາແຫ່ງຊາດ ໃສ່ໃຈແຂວງຮ່າຕິງ ສືບຕໍ່ເອົາໃຈໃສ່ເປັນພິເສດເຖິງການລົງທຶນ, ບຸລິມາສິດໃຫ້ແກ່ການພັດທະນາກະສີກຳຕາມທິດທັນສະໄໝ
ທ່ານປະທານສະພາແຫ່ງຊາດ ຫງວຽນຊິງຮຸ່ງ ສະເໜີແຂວງຮ່າຕິງ ຫັນຮູບແບບຜະລິດກະສີກຳເປັນຫຼາຍຮູບຫຼາຍແບບ ຕາມທິດມີປະສິດທິຜົນກວ່າ, ສະມັດຕະພາບສູງກວ່າ, ປັບປຸງລາຍຮັບ, ຍົກສູງຊີວິດການເປັນຢູ່ຂອງປະຊາຊົນກວ່າອີກ, ສູ້ຊົນເພື່ອເຮັດໃຫ້ຮ່າຕິງ ບັນລຸຜົນງານອັນໃຫຍ່ຫຼວງກວ່າອີກໃນອະນາຄົດ.