ປະທານສະພາແຫ່ງຊາດຫງວຽນຊິງຮູ່ງພົບປະກັບຜູ້ມີສິດເລືອກຕັ້ງເມືອງເກີ໋ມຊວຽນ,ແຂວງຮ່າຕິ້ງ
ປະທານສະພາແຫ່ງຊາດຫງວຽນຊິງຮູ່ງພົບປະກັບຜູ້ມີສິດເລືອກຕັ້ງເມືອງເກີ໋ມຊວຽນ,ແຂວງຮ່າຕິ້ງ
(vovworld) – ຕອນເຊົ້າວັນທີ 3/10, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ແລະ ຄະນະສະມາຊິກສະພາແຫ່ງຊາດ ແຂວງ ຮ່າຕິ້ງ ໄດ້ມີການພົບປະກັບຜູ້ມີສິດເລືອກຕັ້ງເມືອງ ເກີ໋ມຊວຽນ, ແຂວງ ຮ່າຕິ້ງ ເພື່ອແຈ້ງໃຫ້ຜູ້ມີສິດເລືອກຕັ້ງໄດ້ຮັບຊາບເນື້ອໃນຂອງລາຍການເຮັດວຽກຂອງກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຊຸດທີ 13 ແລະ ຮັບຟັງຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງກ່ອນທີ່ຈັດກອງປະຊຸມ.
ນະທີ່ນີ້, ທ່ານປະທານສະພາແຫ່ງຊາດ ຫງວຽນຊິງຮູ່ງ, ໄດ້ຮັບຮູ້ບັນດາຄຳເຫັນທີ່ກົງໄປກົງມາ, ສຸດຈິດສຸດໃຈຂອງຜູ້ມີສິດເລືອກຕັ້ງເມືອງ ເກີ໋ມຊວຽນ ທີ່ໄດ້ຝາກເຖິງສະພາແຫ່ງຊາດ, ລັດຖະບານ. ທ່ານປະທານສະພາແຫ່ງຊາດ ສະເໜີໃຫ້ແຂວງ ຮ່າຕິ້ງ ແລະ ເມືອງ ເກີ໋ມຊວຽນ ບຸລິມະສິດໃນການລົງທຶນໃຫ້ຂະແໜງສາທາລະນະສຸກ, ການທ່ອງທ່ຽວ, ການພັດທະນາຕົວເມືອງຕິດພັນກັບການພັດທະນາຊົນນະບົດມີແຜນກຳນົດຕາມທິດທັນສະໄໝ, ປະກອບສ່ວນຍົກສູງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ. ທ່ານປະທານສະພາແຫ່ງຊາດ ຫງວຽນຊິງຮູ່ງ ກໍ່ສະເໜີວ່າ: ໃນໄລຍະຈະມາເຖິງ, ແຂວງ ຮ່າຕິ້ງ ສືບຕໍ່ວາງອອກຄາດໝາຍພັດທະນາຢູ່ໃນລະດັບປານກາງ ເມື່ອທຽບໃສ່ກັບທົ່ວປະເທດ, ໃນນັ້ນມີບາງຂະແໜງການ, ຂົງເຂດປາຍແຫຼມ.