ປະທານສະພາແຫ່ງຊາດຫງວຽນຊິງຮຸ່ງອວຍພອນບຸນເຕັດພະນັກງານຫ້ອງວ່າການສະພາແຫ່ງຊາດ
(ປະທານສະພາແຫ່ງຊາດຫງວຽນຊິງຮຸ່ງ
ອວຍພອນບຸນເຕັດພະນັກງານຫ້ອງວ່າການສະພາແຫ່ງຊາດ)
(vovworld) – ເນື່ອງໃນໂອກາດບຸນເຕັດປີວອກ 2016, ຕອນເຊົ້າວັນທີ 15/02, ຢູ່ຮ່າໂນ້ຍ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ອວຍພອນບຸນເຕັດການນຳ, ພະນັກງານ, ພາລະກອນສະພາຊົນເຜົ່າ ແລະ ບັນດາຄະນະກຳມະການຂອງສະພາແຫ່ງຊາດ, ບັນດາສະມາຊິກສະພາແຫ່ງຊາດ ແລະ ໝູ່ຄະນະພະນັກງານ, ລັດຖະກອນ, ພາລະກອນຫ້ອງວ່າການສະພາແຫ່ງຊາດ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ສະເໜີໃຫ້ແຕ່ລະສ່ວນບຸກຄົນ, ອົງການ, ຫົວໜ່ວຍ ຈົ່ງຖອດທອນບົດຮຽນ ເພື່ອໃຫ້ປີ 2016 ຈັດຕັ້ງການເລືອກຕັ້ງສະພາແຫ່ງຊາດຊຸດທີ 14 ແລະ ສະພາປະຊາຊົນທຸກຂັ້ນ ອາຍຸການ 2016 – 2021 ສຳເລັດຜົນ; ສືບຕໍ່ສ້າງບັນດາປະມວນກົດໝາຍໃຫ້ສົມບູນແບບ, ກົດໝາຍໃຫ້ເໝາະສົມກັບບັນດາເນື້ອໃນຂອງລັດຖະທຳມະນູນປີ 2013. ທ່ານປະທານສະພາແຫ່ງຊາດ ຫງວຽນຊິງຮຸ່ງ ກໍສະເໜີໃຫ້ບັນດາອົງການ, ຫົວໜ່ວຍ ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ຄັ້ງທີ 12 ຂອງພັກ...