(ທ່ານປະທານສະພາແຫ່ງຊາດ ຫວຽດນາມ
ຫງວຽນຊິງຮຸ່ງ ເລີ່ມຕົ້ນການຢ້ຽນຢາມ Boston )
(vovworld) – ຕອນເຊົ້າວັນທີ 3/9, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄປຮອດສະໜາມບິນສາກົນ Logan International, ນະຄອນ Boston, ລັດ Massachsetts, ປະເທດ ອາເມລິກາ, ເລີ່ມຕົ້ນການຢ້ຽມຢາມ ອາເມລິກາ ຢ່າງເປັນທາງການ ຕາມຄຳເຊິນຂອງທ່ານປະທານປະຈຳການກິຕິມະສັກສະພາສູງ ອາເມລິກາ Patrick Leahy; ທ່ານປະທານສະພາຕ່ຳ ອາເມລິກາ John Boehner ແລະ ປະທານກຳມາທິການວຽກການທະຫານ, ສະມາຊິກສະພາສູງ John McCain.
ໃນເວລາຢ້ຽມຢາມ Boston, ທ່ີການພົບປະກັບທ່ານ Stanley Rosenberg ປະທານສະພາສູງລັດ Massachsetts, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຢືນຢັນວ່າ: ຈຸດປະສົງຂອງການຢ້ຽມຢາມ ອາເມລິກາ ຄັ້ງນີ້ ເພື່ອແນໃສ່ສືບຕໍ່ປັບປຸງ, ຍູ້ແຮງການພົວພັນ 2 ຝ່າຍລະຫວ່າງ 2 ປະເທດ, 2 ສະພາແຫ່ງຊາດ ໃຫ້ນັບມື້ນັບພັດທະນາແທດຈິງ ແລະ ມີປະສິດທິຜົນກ່ວາ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ສະເໜີ ທ່ານປະທານສະພາສູງລັດ Massachsetts ສືບຕໍ່ສະໜັບສະໜູນ ແລະ ສ້າງທຸກເງື່ອນໄຂສະດວກໃຫ້ນັກສຶກສາ ແລະ ຊາວ ຫວຽດນາມ ພວມຮຳ່ຮຽນ ແລະ ດຳລົງຊີວິດຢູ່ທີ່ນີ້; ສະໜັບສະໜູນການສ້າງຕັ້ງມະຫາວິທະຍາໄລ Full Bright ກໍຄືການເຄື່ອນໄຫວຮ່ວມມືດ້ານສຶກສາ, ຄົ້ນຄວ້າວິທະຍາສາດລະຫວ່າງບັນດາໂຮງຮຽນ, ຮາກຖານຄົ້ນຄວ້າຂອງ Massachsetts ກັບບັນດາຮາກຖານການສຶກສາຂອງ ຫວຽດນາມ.
ທ່ານປະທານສະພາສູງ Stanley Rosenberg ເນັ້ນໜັກວ່າ: Massachsetts ພ້ອມແລ້ວ ທີ່ຈະຍູ້ແຮງການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງລັດ Massachsetts ແລະ ບັນດາແຂວງ, ນະຄອນຂອງ ຫວຽດນາມ ຢ່າງມີປະສິດທິຜົນ.
ແລະກໍຢູ່ Boston, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ປຶກສາຫາລືກັບທ່ານປະທານສະພາຕ່ຳລັດ Massachsetts Robert Delco ກ່ຽວກັບການພົວພັນລະຫວ່າງ 2 ປະເທດ, 2 ສະພາແຫ່ງຊາດ, ພິເສດແມ່ນບັນດາມາດຕະການວິວັດທະນາການຮ່ວມມື ນຳການພົວພັນ 2 ປະເທດຂຶ້ນສູ່ລະດັບສູງໃໝ່, ພິເສດແມ່ນໃນດ້ານການສຶກສາ, ການຄ້າ ແລະ ການລົງທຶນ. 2 ຝ່າຍໄດ້ເຫັນດີເປັນເອກະພາບຈະເພີ່ມທະວີການແລກປ່ຽນຄະນະຜູ້ແທນ, ຕັ້ງໜ້າສົ່ງເສີມດ້ານການຄ້າ ແລະ ແບ່ງປັນບົດຮຽນນິຕິກຳ.
ນອກຈາກນັ້ນ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ກໍໄປຢ້ຽມຢາມມະຫາວິທະຍາໄລ Harvard ແລະ ມະຫາວິທະຍາໄລຄຸ້ມຄອງລັດ Harvard Kennedy.