ທ່ານນາງປະທານສະພາແຫ່ງຊາດ ຫງວຽນທິກິມເງິນ ເຮັດວຽກຢູ່ແຂວງ ດ້ຽນບຽນ
|
(vovworld) – ຕອນເຊົ້າວັນທີ 13/3, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ເຮັດວຽກກັບການນຳແຂວງ ດ້ຽນບຽນ. ເຂົ້າຮ່ວມໃນການເຮັດວຽກກໍ່ຍັງມີການນຳບາງກະຊວງ, ຂະແໜງການ, ອົງການສຳນັກງານສູນກາງ. ກ່າວຄຳເຫັນທີ່ການເຮັດວຽກ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຮຽກຮ້ອງໃຫ້ແຂວງ ດ້ຽນບຽນ ຂຸດຄົ້ນທ່າແຮງຂອງບັນດາມໍລະດົກວັດທະນະທຳ, ປະຫວັດສາດ, ທ່າແຮງຂອງທ້ອງຖິ່ນ ເພື່ອສ້າງກຳລັງດຶງດູດສະເພາະໃຫ້ຂະແໜງທ່ອງທ່ຽວ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ກ່າວວ່າ:
“ດ້ຽນບຽນ ມີບັນດາຈຸດທີ່ຄ້າຍຄືກັນກັບແຂວງ ລາຍເຈົາ ຫຼື ບັນດາແຂວງທາງທິດຕາເວັນຕົກພາກເໜືອ, ແຕ່ ດ້ຽນບຽນ ແມ່ນສະຖານທີ່ມີທັດສະນີຍະພາບ, ເຂດທ່ອງທ່ຽວປູຊະນີຍະສະຖານປະຫວັດສາດ, ຊີວະພາບ ແລະ ເຕົ້າໂຮມບັນດາເຜົ່າ ທີ່ເປັນເອກະລັກສະເພາະ, ນີ້ແມ່ນຈຸດເພື່ອຂຸດຄົ້ນທ່າແຮງດ້ານການທ່ອງທ່ຽວວັດທະນະທຳ ທີ່ເໝາະສົມ. ດັ່ງນັ້ນ, ທາງແຂວງຕ້ອງຫັນຮູບແບບການທ່ອງທ່ຽວເປັນຫຼາຍຫຼາຍສີ”
ທີ່ການເຮັດວຽກ, ທ່ານ ຫງວຽນຊວນເກື່ອງ, ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຖືວ່າ: ດ້ຽນບຽນ ມີທ່າແຮງພົ້ນເດັ່ນຫຼາຍຢ່າງ, ນັ້ນແມ່ນປູຊະນີຍະສະຖານ ດ້ຽນບຽນຝູ, ທ່າແຮງກ່ຽວກັບການຜະລິດກະສິກຳ. ທ່ານ ຫງວຽນເທ໋ກີ້, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຫວັງວ່າ: ສະພາແຫ່ງຊາດ, ລັດຖະບານ ລົງທຶນບັນດາພາຫະນະກະຈາຍສຽງ, ໂທລະພາບໃຫ້ພໍ່ແມ່ປະຊາຊົນຢູ່ບັນດາໝູ່ບ້ານ. ເພື່ອດຶງດູດແຂກທ່ອງທ່ຽວມາ ດ້ຽນບຽນ ຫຼາຍກ່ວາອີກ, ທ່ານ ຫງວຽນເທ໋ກີ້, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຖືວ່າ:
“ຫໍພິພິທະພັນ ດ້ຽນບຽນ ແລະ ບັນດາປູຊະນີຍະສະຖານອື່ນໆ ບໍ່ສາມາດສ່ອງແສງຂອບຂະໜາດຂອງໄຊຊະນະ ດ້ຽນບຽນຝູ ໄດ້ເທື່ອ. ຂ້າພະເຈົ້າຄິດວ່າ, ນີ້ແມ່ນສັນຍາລັກບໍ່ພຽງແຕ່ຂອງ ຫວຽດນາມເທົ່ານັ້ນ ຫາກຍັງແມ່ນສັນຍາລັກແຫ່ງໄຊຊະນະຂອງມວນມະນຸດ, ໄຊຊະນະຕໍ່ສິ່ງຊົ່ວຮ້າຍ ແລະ ຄວາມຫວັງເອກະລາດເສລີພາບ. ແຂກຕ່າງປະເທດມານີ້ກໍ່ມີຄວາມເອກອ້າງທະນົງໃຈກ່ຽວກັບສິ່ງນີ້. ຂ້າພະເຈົ້າຖືວ່າ, ພວກເຮົາມີຄວາພະຍາຍາມແຕ່ບໍ່ທັນສົມກັບໄຊຊະນະດ້ຽນບຽນຝູເທື່ອ.”