ປະທານສະພາແຫ່ງຊາດຫງວຽນທິກິມເງິນຕ້ອນຮັບເອກອັກຄະລັດຖະທູດຈີນແລະອົດສະຕາລີ
ທ່ານເອກອັກຄະລັດຖະທູດ ຈີນ ປະຈຳ ຫວຽດນາມ ຂູງແສວຢູ໋ງ ແລະ ທ່ານນາງປະທານສະພາແຫ່ງຊາດ ຫງວຽນທິກິມເງິນ
(vovworld) – ກ່າວຄຳເຫັນທີ່ການຕ້ອນຮັບທ່ານເອກອັກຄະລັດຖະທູດ ຈີນ ປະຈຳ ຫວຽດນາມ ຂູງແສວຢູ໋ງ, ຕອນບ່າຍວັນທີ 24/5, ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະເໜີໃຫ້ ຫວຽດນາມ ແລະ ຈີນ ເພີ່ມທະວີການສົມທົບກັນສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສລັດຖະສະພາພາກພື້ນ ແລະ ໂລກ. 2 ຝ່າຍມີບັນດາມາດຕະການມີປະສິດທິຜົນໂດຍໄວເພື່ອປັບປຸງດຸ່ນການຄ້າ 2 ຝ່າຍ, ແກ້ໄຂຄວາມຫຍຸ້ງຍາກໃຫ້ບັນດາໂຄງການຮ່ວມມືທີ່ມີລະດັບຄວາມຄືບໜ້າຊັກຊ້າ. ທ່ານນາງ ຫງວຽນທິກິມເງິນ ສະເໜີໃຫ້ທ່ານເອກອັກຄະລັດຖະທູດ ຈີນ ເອົາໃຈໃສ່ແກ້ໄຂຄວາມຫຍຸ້ງຍາກເພື່ອໃຫ້ຜະລິດຕະພັນກະເສດຂອງ ຫວຽດນາມ ໄດ້ສົ່ງອອກໄປ ຈີນ ຢ່າງສະດວກກ່ວາ…
ສ່ວນທ່ານເອກອັກຄະລັດຖະທູດ ຈີນ ຂູງແສວຢູ໋ງ ຢັ້ງຢືນວ່າ: ໄລຍະຜ່ານມາ, 2 ປະເທດມີການພັດທະນາຢ່າງຈະແຈ້ງ, ວົງເງິນການຄ້າຂອງ ຫວຽດນາມ - ຈີນ ບັນລຸໝາກຜົນພໍສົມຄວນ ແລະ ຫວຽດນາມ ກາຍເປັນຄູ່ຄ້າອັນດັບໜຶ່ງຂອງ ຈີນ ໃນກຸ່ມ ອາຊຽນ. ທ່ານເອກອັກຄະລັດຖະທູດ ຫວັງວ່າ: 2 ຝ່າຍຈະສືບຕໍ່ຊຸກຍູ້ຮ່ວມມືໃນທຸກຂົງເຂດ.
ແລະກໍ່ໃນຕອນບ່າຍວັນດຽວກັນ, ທ່ານນາງ ຫງວຽນທິກິມເງິນ ໄດ້ຕ້ອນຮັບທ່ານ Hugh Borrowman, ເອກອັກຄະລັດຖະທູດ ອົດສະຕາລີ ເຂົ້າຢ້ຽມອຳລາເນື່ອງໃນໂອກາດສິ້ນສຸດໜ້າທີ່ການທູດຢູ່ ຫວຽດນາມ. ທ່ານນາງປະທານສະພາແຫ່ງຊາດ ຂອບອົກຂອບໃຈ ແລະ ຕີລາຄາສູງບັນດາການຊ່ວຍເຫຼືອຂອງ ອົດສະຕາລີ ຜ່ານບັນດາໂຄງການ ODA ຄືຂົວ ກາວແຫຼງ ແລະ ຂົວ ໝີ້ທ້ວນ. ສ່ວນທ່ານ Hugh Borrowman ຍອມຮັບວ່າ ແງ່ຫວັງເພີ່ມທະວີການພົວພັນລະຫວ່າງ 2 ປະເທດຍັງຫຼາຍຢູ່, ພ້ອມທັງສະແດງຄວາມຫວັງໃນໄລຍະຈະມາເຖິງ, ອົດສະຕາລີ ຈະສືບຕໍ່ແມ່ນຄູ່ຮ່ວມມືສຳຄັນຂອງ ຫວຽດນາມ ໃນບັນດາໂຄງການຊ່ວຍເຫຼືອພັດທະນາ.